ٺل سي سيڪشن ٿاڻي جي حد ڳوٺ وارث ڏنو بنگلاڻي ۾ بنگلاڻي برادري جي ٻن ڌرين ۾ جھيڙو ٿي پيو هڪ ڪلاڪ جي مسلسل فائرنگ جي نتيجي ۾ هڪ ڄڻو بابو بنگلاڻي قتل ٿي ويو جڏهن ته حاجي بنگلاڻي۔ غلام حيدر۔ نادر۔ ظفر۔ خير محمد۔ بابو، زاهد۔ غالب۔ قربان ۽ سلام بنگلاڻي سميت 10 ڄڻا زخمي ٿي پيا زخمين کي تعلقه اسپتال منتقل ڪيو ويو
وارثن موجب ڀتي خورن ڌمڪي ڏني ته ڀتو ڏيو نه ته توهان جي ڪڻڪ جي فصل کي باھ ڏيئي ساڙي ڇڏينداسون ڀتو ڏيڻ کان انڪار ڪيو سون ته گذريل رات هٿياربندن شبير بنگلاڻي۔ حمزو۔ اڪبر۔ مستو۔ دلي جان۔ جاويد۔ فدا بنگلاڻي سميت 10 ڄڻن جديد هٿيارن سان اسان جي گهرن تي حملو ڪري انڌا ڌنڌ فائرنگ ڪري ڏني جيڪا ڏيڍ ڪلاڪ مسلسل فائرنگ ڪئي وئي جوابدارن جي فائرنگ ۾ اسان جو هڪ نوجوان بابو بنگلاڻي ٿڏي تي قتل ٿي ويو ۽ 10 ڄڻا سخت زخمي ٿي پيا آھن
هنن چيو ته اطلاع ڏيڻ باوجود بہ پوليس واقعي واري هنڌ نه پهتي۔ پنهنجي مدد پاڻ تحت لاش ۽ زخمين کي رڪشا ڦٽي تي سرڪاري اسپتال کڻي وياسين هنن ايس ايس پي جيڪب آباد کان مطالبو ڪيو آھي ته ڀتي خور قاتلن کي جلد گرفتار ڪري مٿن ڪيس داخل ڪري اسان سان انصاف ڪيو وڃي
