زراعت کاتي جي صوبائي وزير سردار محمد بخش خان مهر حيدرآباد جي شھباز بلڊنگ ۾ ايگريلڪچر آفيس ۾ رکيل کلي ڪچھري کان پوء ميڊيا سان ڳالھائيندي چيو آهي ته سنڌ حڪومت ننڍن آبادگارن کي وڌيڪ مضبوط بڻائڻ ۽ زرعي شعبي کي هٿي وٺرائڻ لاءِ سنڌ ايگريڪلچر ڪليڪٽوز ايڪٽ آڻي رهي آهي،
هن ايڪٽ کي حتمي شڪل ڏيڻ لاءِ وزير اعلي سنڌ پاران منهجي سربراهي ۾ ڪاميٽي جوڙي وئي آهي،ھن ايڪٽ جي مسودي کي حتمي شڪل ڏيڻ لاءِ آبادگار سان مشاورت ڪرڻ اڄ پهرين حيدرآباد ۾ کلي ڪچهري ڪئي آهي، ان کانپوءِ سنڌ ايگريڪلچر ڪليڪٽوز ايڪٽ 2026 بابت سنڌ جي ٻين شهرن ۾ ادارن سان کلي ڪچهريون ڪري سندن رائي ورتي ويندي ،ڪليڪٽو ايڪٽ سان ننڍن آبادگارن کي وڌيڪ خودمختياري ڏني ويندي،ھن تصور ۾ 8 ايڪڙ زمين رکندڙ آبادگارن جا گروپ ٺاهيا ويندا.
هن چيو ته سرڪار پاران سهولتون ۽ مراعتون سڌي ريت انهن آبادگار گروپن کي ملنديون،آبادگارن جا فصل ۽ ٻئي اپت وٺڻ جو اختيار ڪليڪٽوز وٽ هوندو،صوبائي وزير جي ڊائريڪٽر ايگريڪلچر ايڪسٽينشن آفيس منعقد ٿيل کلي ڪچهري ۾ آبادگار اڳواڻ نبي بخش سٺيو ،محمود نواز شاه ۽ ٻين آبادگار اڳواڻن شرڪت ڪئي.
