نسيم نگر پوليس جو منشيات فروشن سان مقابلو، هڪ جوابدار زخمي حالت ۾ گرفتار
نسيم نگر پوليس گشت دوران موٽر سائيڪل سوار منشيات فروشن سان مقابلو ٿيو۔
پوليس مقابلو آئي ڪون سٽي ويجهو ان وقت پيش آيو جڏهن پوليس موٽر سائيڪل سوار جوابدارن کي روڪڻ جو اشارو ڪيو۔
جوابدارن روڪڻ بدران پوليس تي فائرنگ شروع ڪري ڏني۔
پوليس جي جوابي ڪارروائي ۾ هڪ جوابدار زخمي حالت ۾ گرفتار ڪيو ويو، جڏهن ته سندس ساٿي موٽر سائيڪل تي اونداهي جو فائدو وٺندي فرار ٿي ويو۔
گرفتار جوابدار جي سڃاڻپ مظهر علي ڀٽي ولد حسين بخش، رهواسي اصل نيو پنڊ سکر حال سحرش نگر جي نالي سان ٿي۔
جوابدار جي قبضي مان هڪ عدد غيرقانوني پستول برآمد ڪيو ويو۔
ابتدائي طور تي جوابدار جو رڪارڊ سرچ ڊيوائس ذريعي چيڪ ڪرڻ تي معلوم ٿيو ته هو اڳ ۾ حيدرآباد ۽ صوبي جي ٻين ضلعن ۾ 26 کان وڌيڪ ڪيسن ۾ ملوث رهيو آهي۔
زخمي جوابدار کي فوري علاج لاءِ سول اسپتال منتقل ڪيو ويو آهي۔
فرار جوابدار عبد الخالق ولد بخت علي ڀنگوار جي گرفتاري لاءِ ٽيم روانو ڪئي وئي آهي۔
گرفتار زخمي ۽ فرار جوابدارن خلاف ضابطي موجب ڪارروائي جاري آهي۔
وڌيڪ جاچ جاري آهي۔
ترجمان ڊسٽرڪٽ پوليس حيدرآباد
