مٽياري: سٽي پريس ڪلب مٽياري جي نئين عمارت جي افتتاحي تقريب ٽائون ڪميٽي مٽياري جي چيئرمين سيد حسن مرتضيٰ شاهه ڄاموٽ ربن ڪاٽي ڪئي.
تقريب ۾ سٽي پريس ڪلب مٽياري جي سرپرست اعليٰ ماجد علي ميمڻ، چيئرمين پروفيسر شوڪت ميمڻ، صدر اويس گل ميمڻ، جنرل سيڪريٽري ضمير خاصخيلي، ٽائون ڪميٽي مٽياري جي وائيس چيئرمين حاجي پرويز ميمڻ سميت سياسي، سماجي ۽ صحافتي شخصيتن وڏي انگ ۾ شرڪت ڪئي.
افتتاحي تقريب ۾ حاجي الطاف خاصخيلي، جي ايم بابو خاصخيلي، ڪامران ميمڻ، طارق ميمڻ، عزيز ميمڻ، وقار منگواڻو، رياض چانڊيو، ذوالفقار ميمڻ، زبير احمد ڪلهوڙو، عادل خشڪ، علي فيضان، جنيد ميمڻ، وڪيل ميمڻ، زهيب ميمڻ، حارث ميمڻ، ڪائونسلر آصف ميمڻ، رضا ميمڻ ۽ ٻين صحافين ۽ معززن شرڪت ڪئي.
ان موقعي تي ماجد علي ميمڻ طرفان ٽائون ڪميٽي جي چيئرمين سيد حسن مرتضيٰ شاهه ڄاموٽ کي سنڌ جي ثقافتي سڃاڻپ طور بوسڪي جو پٽڪو اوڍايو ويو.
تقريب کي خطاب ڪندي مهمانن چيو ته سٽي پريس ڪلب جي بحالي مٽياري جي صحافين جي وڏي ڪاميابي آهي. هنن چيو ته مٽياري جي صحافين هميشه شهر ۽ عوام جي مسئلن لاءِ ڀرپور آواز اٿاريو آهي، جڏهن ته سالن کان کنڊر بڻيل پريس ڪلب جي ٻيهر بحالي هڪ خوش آئند قدم آهي.
مهمانن ان عزم جو اظهار ڪيو ته هو مستقبل ۾ به پريس ڪلب ۽ صحافتي برادري سان هر ممڪن سهڪار جاري رکندا.
ان موقعي تي سٽي پريس ڪلب مٽياري طرفان 13 آگسٽ جي شام ۽ 14 آگسٽ جي رات پاڪستان جي آزادي جي ڏهاڙي جي حوالي سان شاندار جشن آزادي پروگرام منعقد ڪرڻ جو پڻ اعلان ڪيو ويو.
