واشنگٽن / يروشلم: آمريڪي صدر ڊونلڊ ٽرمپ ۽ اسرائيلي وزيراعظم بينجمن نيتن ياهو وچ ۾ ٽيليفون تي رابطو ٿيو، جنهن دوران ٻنهي اڳواڻن آمريڪا ۾ جلد ملاقات ڪرڻ تي اتفاق ڪيو.
اسرائيلي وزيراعظم جي آفيس موجب، جمعي ڏينهن ٿيل ڳالهه ٻولهه دوران نيتن ياهو صدر ٽرمپ کي چيو ته آمريڪا عالمي آزادي جو ضامن آهي ۽ اسرائيل ٻنهي ملڪن جي ويجهن لاڳاپن کي وڏي اهميت ڏئي ٿو.
جاري ڪيل بيان ۾ چيو ويو ته نيتن ياهو ۽ ٽرمپ آمريڪا ۾ ويجهي مستقبل ۾ ملاقات ڪرڻ تي پڻ اتفاق ڪيو.
ڳالهه ٻولهه دوران نيتن ياهو آمريڪا جي آزادي جي 250هين سالگرهه جي موقعي تي صدر ٽرمپ کي مبارڪباد پڻ ڏني.
هي رابطو اهڙي وقت سامهون آيو آهي، جڏهن آمريڪا ۽ اسرائيل ايران خلاف پنهنجي فوجي مهم دوران هڪ ٻئي سان گڏيل ڪارروايون ڪري چڪا آهن.
ان کان علاوه، ٻنهي اڳواڻن وچ ۾ جنگ ختم ڪرائڻ جي ڪوششن بابت اختلافن جون خبرون پڻ گردش ۾ هيون، جن کانپوءِ هي ٽيليفونڪ رابطو اهميت اختيار ڪري ويو آهي.
واضح رهي ته آمريڪا اسرائيل جو ويجهو اتحادي آهي، جڏهن ته تازن هفتن ۾ صدر ٽرمپ لبنان ۾ حزب الله سان جنگ کانپوءِ وزيراعظم نيتن ياهو تي کليل تنقيد پڻ ڪئي هئي، ڇاڪاڻتہ ان جنگ سبب ايران سان امن ڳالهين کي خطرو لاحق ٿيڻ جون ڳالهيون سامهون آيون هيون.
