نائب وزيراعظم اسحاق ڊار چيو آهي ته افغانستان ۾ موجود دهشتگرد تنظيمون پاڪستان جي سلامتي لاءِ مسلسل خطرو بنيل آهن. ڪروشيا جي پرڏيهي وزير سان گڏيل پريس ڪانفرنس جي دوران اسحاق ڊار چيو ته ڪروشيا جي پرڏيهي وزير ۽ انهي جي وفد کي پاڪستان اچڻ تي ڀليڪار چئون ٿا، ڪروشيا جي پرڏيهي وزير جو دورو ٻطرفن لاڳاپن کي هٿي ڏيڻ ۾ اهم سنگ ميل آهي. هن چيو ته پاڪستان ۽ ڪروشيا جي وچ ۾ خير سگالي، گڏيل اعتماد جا مضبوط رابطا موجود آهن. ڪروشيا پاڪستان جي سرمائيڪار دوست پاليسين مان فائدو کڻي. نائب وزيراعظم جو چوڻ هو ته عالمي برادري کي دهشتگردي جي خاتمي لاءِ گڏيل ڪوششون تيز ڪرڻيون پونديون جڏهن ته افغانستان ۾ موجود دهشتگرد تنظيمون پاڪستان جي سلامتي لاءِ مسلسل خطرو بڻيل آهن. ڪنهن به ملڪ خاص طور تي پاڪستان جي خلاف استعمال نه ٿيڻ گهرجن. هن وڌيڪ چيو ته ڀارت طرفان سنڌ طاس معاهدي جي هڪطرفي معطلي، پاڻي کي بطور هٿيار استعمال ڪرڻ عالمي قانون ۽ معاهدن جي ڀڃڪڙي آهي. اسحاق ڊار جو چوڻ هو ته اسلام آباد مفاهمتي يادداشت خطي ۾ امن کي هٿي ڏيڻ ۾ اهم اڳڀرائي آهي. انهي موقعي تي ڳالهيون ڪندي ڪروشيئن پرڏيهي وزير چيو ته منهنجو پاڪستان جو دورو ٻطرفن لاڳاپن کي وڌيڪ مضبوط بنائڻ ۾ اهم ڪردار ادا ڪندو. پاڪستان ۽ ڪروشيا جا لاڳاپا گڏيل احترام ۽ ڀروسي جي بنياد تي ٻڌل آهن.
افغانستان ۾ موجود دهشتگرد تنظيمون پاڪستان جي سلامتي لاءِ خطرو آهن: اسحاق ڊار
Leave a Comment
سکر: پنوعاقل ۾ جوابدارن پاران گهر تي حملو، عورتن ۽ ٻارن مٿان تشدد جو الزام، متاثرين جو پريس ڪلب اڳيان احتجاج
سکر (بيورو رپورٽ): پنوعاقل جي علائقي سان تعلق رکيندڙ بروھي برادري جي مردن ۽ عورتن بااثر جوابدارن پاران زيادتين، تشدد،…
گورنمينٽ گرلز هاءِ اسڪول ڪيمپس ڀيلار ۾ جشنِ عيد ميلاد النبي صلي الله عليه وسلم جي شاندار تقريب
سکر ( )گورنمينٽ گرلز هاءِ اسڪول ڪيمپس ڀيلار ۾ جشنِ…
