ايران آمريڪا جنگ سبب وچ اوڀر ۾ وڌندڙ ڇڪتاڻ سبب عالمي، مقامي سطح تي 4 ڏينهن جي وقفي کان پوءِ سون جي قيمتن ۾ ٻيهر اضافي جو رجحان غائب ٿي ويو آهي.
عالمي بلين مارڪيٽ ۾ اڄ خميس جي ڏينهن في اونس سون جي قيمت 36 ڊالر جي اضافي سان 4 هزار 13 ڊالر جي سطح تي اچڻ سبب مقامي صرافه مارڪيٽن ۾ به في تولو سون جي قيمت ۾ 3 هزار 600 روپين جي اضافي سان 4 لک 33 هزار 836 روپين جي سطح تي اچي وئي.
اهڙي طرح مقامي سطح تي في 10 گرام سون جي قيمت 3 هزار 86 روپين جي اضافي سان 3 لک 71 هزار 844 روپين جي سطح تي اچي وئي.
سون جي قيمتن ۾ اضافي جي ابتڙ عالمي مارڪيٽ ۾ في اونس چاندي جي قيمت بنا ڪنهن تبديلي جي 59 ڊالر 42 سينس جي سطح تي مستحڪم رهي جنهن جي نتيجي ۾ مقامي صرافه مارڪيٽن ۾ به في تولو چاندي جي قيمت به بنا ڪنهن تبديلي جي 6 هزار 421 روپيه ۽ في 10 گرام چاندي جي قيمت بنا ڪنهن تبديلي جي 5 هزار 504 روپين جي سطح تي مستحڪم رهي.
