ڪنڌڪوٽ اي سيڪشن ٿاڻي حد گلشير محلي ۾ کير جي دڪان تي ڪم ڪندڙ هڪ نوجوان فرحان ملڪ کي جوابدار فائرنگ ڪري قتل ڪري ڇڏيو جوابدار موقعي تان ئي فرار ٿي نوجوان جو لاش سول اسپتال منتقل ڪيو ويو جتان پوسٽ مارٽم بعد وارثن حوالي ڪيو ويو آهي
مقتول جو لاش کڻائي وارثن انڊس ھائي وي ٽول پلازا وٽ لاش رکي ڌرڻو ھنيو ويو آهي روڊ بلاڪ ھجڻ ڪري مسافر گاڏيون بھجي ويون آهن مظاھرين سان پوليس جون ڳالھيون پڻ جاري آهن وارث جوابدار خلاف فوري طور ڪاروائي ڪري کين گرفتاري جو مطالبو ڪري رھيا آهن.
ان سلسلي ۾ ٻڌايو پيو وڃي ته نوجوان فرحان ملڪ کي مبينا طور کير جي دڪان تي ڪم نه ڪرڻ جي ڳالهه تان دڪان جي مالڪ جذبات ۾ اچي ھٿيار کڻي فائرنگ ڪري زخمي ڪيو جنھن کي ڳڻتي جوڳي حالت ۾ اسپتال آندو ويو جنھن کي سکر منتقل ڪيو ويو پئي ته نوجوان زخمن جا سور نه سھندي دم ڌڻي حوالي ڪيو. بي طرف نوجوان جي گھر ۾ ڪھرام پڻ مچي ويو. پوليس جو چوڻ آهي ته واقعي جي مڪمل جاچ جاري آهي ملوث جوابدار کي جلد گرفتار ڪري وارثن سان انصاف ڪيو ويندو.
