ڪراچي: ايس ايس پي ڊسٽڪٽ ساوٿ مهزور علي جي هدايتن تي ڊسٽڪٽ ساوٿ جي مختلف علائقن ۾ غيرقانوني طور تي رهندڙ افغان شهرين خلاف سرچ آپريشن ڪيا ويا. پوليس موجب، ڪارروائي دوران بغير سڃاڻپ دستاويزن وارن ماڻهن کي حراست ۾ ورتو ويو.
حڪام موجب، گرفتار ڪيل ماڻهن خلاف قانوني ڪارروائي مڪمل ڪرڻ کانپوءِ انهن کي ٽرانزٽ ڪيمپ منتقل ڪيو ويو، جتي انهن جي رجسٽريشن ۽ سڃاڻپ جي تصديق ڪئي ويندي. سرچ آپريشن جو مقصد غيرقانوني طور تي رهندڙ ماڻهن تي نگراني رکڻ ۽ ضلعي ۾ امن قائم رکڻ آهي.
پوليس حڪام شهرين کي اپيل ڪئي آهي ته ڪنهن به مشڪوڪ يا غيرقانوني سرگرمي جي اطلاع فوراً لاڳاپيل پوليس اسٽيشن کي ڏين، ته جيئن قانون جي دائري ۾ رهي ڪارروائي ٿي سگهي. ايس ايس پي ڊسٽڪٽ ساوٿ چيو آهي ته اهي ڪارروائيون مستقل بنيادن تي جاري رهنديون، جيئن شهرين کي محفوظ ماحول فراهم ڪري سگهجي.
What’s your Reaction?
+1
+1
+1
+1
+1
