بدين، 12 آگسٽ 2026ع: ڊي آءِ جي حيدرآباد رينج طارق رزاق ڌاريجو ۽ ايس ايس پي بدين قمر رضا جسڪاڻي جي هدايتن تي بدين ضلعي پوليس پاران منشيات فروشن ۽ ڏوهاري عنصرن خلاف ڪاررواين جو سلسلو جاري آهي.
پوليس موجب مختلف ٿاڻن جي حدن ۾ ڪارروايون ڪندي 5 روپوش جوابدارن سميت 11 جوابدارن کي گرفتار ڪيو ويو، جڏهن ته سندن قبضي مان 6015 سفينا گٽڪا، هڪ موٽرسائيڪل ۽ 5 ويسڪي جا پنٽ هٿ ڪيا ويا.
ايس ايڇ او ڪڍڻ انسپيڪٽر امتياز علي ٿيٻو پنهنجي عملي سان گڏ ڪارروائي ڪندي روپوش جوابدارن محمد عمر، عبدالكريم، راشد، محمد رفيق ۽ خميسي کوسو کي گرفتار ڪري ورتو.
ايس ايڇ او بدين سب انسپيڪٽر علاول خاصخيلي ڪارروائي ڪندي گيان چند ميگهواڙ کي گرفتار ڪيو، جنهن جي قبضي مان 5 ويسڪي جا پنٽ هٿ ڪيا ويا.
ايس ايڇ او شهيد فاضل راهو انسپيڪٽر محمد خان ڪلوئي مختلف ڪاررواين دوران گٽڪا فروشن عبدالحفيظ عرف ميجر جتوئي ۽ ليمون ڀيل کي گرفتار ڪري ورتو، جڏهن ته جوابدار فاروق پٺاڻ ۽ گلزار چانگ فرار ٿيڻ ۾ ڪامياب ٿي ويا. گرفتار جوابدارن جي قبضي مان 4850 گٽڪا ۽ سي ڊي 70 موٽرسائيڪل هٿ ڪئي وئي.
ايس ايڇ او تلہار انسپيڪٽر اعجاز احمد سومرو ڪارروائي ڪندي گٽڪا فروش جوابدار احمد عرف نارو ملاح ماڇي کي گرفتار ڪيو، جنهن جي قبضي مان 300 گٽڪا هٿ ڪيا ويا.
ايس ايڇ او نندو انسپيڪٽر اصغر علي سٽيو ڪارروائي ڪندي گٽڪا فروشن نجيب الله ابڙو ۽ سجاد ملاح کي گرفتار ڪيو، جن جي قبضي مان 865 سفينا گٽڪا هٿ ڪيا ويا.
پوليس پاران گرفتار جوابدارن خلاف قانون موجب ڪيس داخل ڪري وڌيڪ جاچ شروع ڪئي وئي آهي، جڏهن ته فرار جوابدارن جي گرفتاري لاءِ پڻ ڪارروائي جاري آهي.
