- ايس ايس پي سکر اظهر خان جي هدايتن تي سکر پوليس پاران ڏوهارين ۽ سماجي براين ۾ ملوث جوابدارن خلاف ڪريڪ ڊائون جاري آهي. پوليس مختلف ڪاررواين دوران 2 جوابدار گرفتار ڪري شراب ۽ ڀنگ سميت 2 چوري ٿيل موٽر سائيڪلون هٿ ڪرڻ جي دعويٰ ڪئي آهي.جانگھڙو ٿاڻي جي پوليس ڪارروائي ڪندي جوابدار محمد فهيم عباسي کي گرفتار ڪري سندس قبضي مان شراب جون 7 بوتلون هٿ ڪيون، جنهن خلاف 3/4 ايڪٽ تحت ڪيس داخل ڪيو ويو.سائيٽ ايريا ٿاڻي جي حد سبزي منڊي مان شهري عتيق احمد قريشي جي چوري ٿيل موٽر سائيڪل نيو پنڊ پوليس ناڪابندي دوران هٿ ڪري اصل مالڪ حوالي ڪئي.روهڙي پوليس اسنيپ چيڪنگ دوران محمد خان ميراني کي گرفتار ڪري سندس قبضي مان 1200 گرام ڀنگ هٿ ڪئي، جنهن خلاف منشيات ايڪٽ تحت ڪيس داخل ڪيو ويو.اهڙي طرح ڪينٽ پوليس صالحاڻي چيڪ پوسٽ ڀرسان هٿيارن جي زور تي ڦر ڪيل شهري دانش جلالي جي سي ڊي موٽر سائيڪل به ناڪابندي دوران هٿ ڪري قانوني ڪارروائي بعد اصل مالڪ حوالي ڪئي.ايس ايس پي سکر اظهر خان پوليس ٽيمن جي بهترين ڪارڪردگي تي کين شاباش ڏني.
What’s your Reaction?
+1
+1
+1
+1
+1
