ايس ايس پي ڄامشورو جناب ظفر صديق ڇانگا جي خاص هدايتن تي ضلعي اندر امن امان جي صورتحال برقرار رکڻ ۽ ڏوهاري عنصرن خلاف ڪارروائين جي سلسلي ۾ سرچ اينڊ ڪومبنگ آپريشن جاري آهن.
اي ايس پي (يو ٽي) جناب مخمل حيات جسرا، 15 انچارج ڪوٽڙي محمد علي عباسي ۽ انچارج وومين پروٽيڪشن سيل شهناز دائود پوٽو جي سربراهيءَ ۾ ڄامشورو پوليس پاران خورشيد چوڪ سميت مختلف علائقن ۾ سرچ اينڊ ڪومبنگ آپريشن ڪيو ويو.
آپريشن دوران مختلف ريسٽورنٽن، دڪانن ۽ گهرن جي تلاشي ورتي وئي، جڏهن ته اتي موجود ماڻهن کي آءِ ٽي سافٽ ويئر ”تلاش ايپ“ ذريعي چيڪ ڪيو ويو ۽ مشڪوڪ ماڻهن جي سڃاڻپ ۽ تصديق ڪئي وئي.
ڄامشورو پوليس موجب ضلعي اندر امن امان جي قيام، ڏوهاري عنصرن خلاف ڪارروائين ۽ شهرين جي جان ۽ مال جي تحفظ لاءِ سرچ اينڊ ڪومبنگ آپريشنز جو سلسلو جاري رکيو ويندو.
What’s your Reaction?
+1
+1
+1
+1
+1
