ايس ايس پي ڄامشورو جناب ظفر صديق ڇانگا جي خاص هدايتن ۽ ڊي ايس پي نوري آباد ڪليم الله سومرو جي نگرانيءَ ۾ ايس ايڇ او لوني ڪوٽ انسپيڪٽر ذوالفقار علي اوڍاڻو جي اڳواڻيءَ ۾ لوني ڪوٽ پوليس جعلي ڪرنسي جي ڪاروبار ۾ ملوث جوابدارن خلاف ڪارروائي ڪندي وڌيڪ هڪ جوابدار کي گرفتار ڪري ورتو.
گشت دوران ڳجهي اطلاع ملڻ تي علي شورو هوٽل، ڪراچي کان حيدرآباد ويندڙ موٽر وي ڀرسان ڪارروائي ڪئي وئي، جتان جعلي ڪرنسي جي ڪاروبار ۾ ملوث وڌيڪ هڪ جوابدار کي گرفتار ڪيو ويو.
گرفتار جوابدار جي سڃاڻپ گاجن ولد خير محمد ملوڪاڻو، ڳوٺ ملوڪ ملوڪاڻو، ڀٽ شاهه ڀرسان، تعلقو هالا، ضلعو مٽياري طور ٿي آهي.
گرفتار جوابدار خلاف لوني ڪوٽ ٿاڻي تي اڳ ئي ڪرائيم نمبر 31/2026، قلم 489-B/34 PPC تحت ڪيس داخل ٿيل آهي.
لوني ڪوٽ پوليس پاران جعلي ڪرنسي جي ڪاروبار ۾ ملوث عنصرن خلاف ڪارروايون وڌيڪ جاري آهن.
What’s your Reaction?
+1
+1
+1
+1
+1
