يوسي 6 جيئي شاهه ٽائون ميراڻي محلي جا رھواسي ميونسپل ۽ يوسي چئيرمين خلاف ميدان تي نڪري آيا

سکر(رپورٽ غلام علي ) يوسي 6 جيئي شاهه ٽائون ميراڻي محلي جا رھواسي ميونسپل ڪمشنر توڙي ايڪسئين ۽ يوسي چئيرمين خلاف ميدان تي نڪري آيا، پمپ اسٽيشنز بند ھجڻ سبب گٽرن جو گندو پاڻي گھرن ۽ گھٽين ۾ داخل، ماڻھون مصيبت ۾ اچي ويا، ميونسپل ڪارپوريشن خلاف گندي پاڻيءَ ۾ بيھي سخت نعريبازي ڪئي وئي، احتجاجي مظاهرو ڪندڙ نيڪ محمد ميراڻي، عبدالستار ميراڻي،امير بخش ميراڻي، عبدالغني ميراڻي، غلام رسول ميراڻي، رجب ميراڻي سميت ٻين جو چوڻ هو ته ڇھن مھينن کان پمپنگ اسٽيشن جي بجلي ڪٽيل آھي، عارضي طور تي رکيل بيڪو جيڪو ناڪاره آھي، پمپ اسٽيشنز بند ھجڻ سبب گٽرن ۽ نالين جو گندو پاڻي گھرن ۽ گھٽين ۾ بيٺل آهي، اسڪولي ٻارڙن ۽ عورتن کي تڪليف آھي، ميئر سکر ۽ ميونسپل ڪمشنر سکر منظرعام تان غائب آھن، اسان ڪافي چڪر ميونسپل ڪمشنر خالد جتوئي ۽ ميونسپل ايڪسئين نعمان ڪلھوڙو کي لکت۾ شڪايتون ڪيون آهن صرف ڪن لاٽار ڪرين پيا، ميونسپل ڪارپوريشن جا آفيسر صرف فوٽو سيشن ۾ پورا آهن، اسان جي علائقي ۾ اچڻ جي لاءِ تيار ناھن، اسان لڏپلاڻ تي مجبور ٿي ويا آهيون، اسان پ پ جا ووٽر آھيون، ليڪن بنيادي سھولتن کان محروم بڻيل آھيون، ھنن سنڌ حڪومت ميئر سکر، ڊپٽي ڪمشنر سکر کان مطالبو ڪيو ته نااھل ميونسپل ڪمشنر سکر ۽ ميونسپل ايڪسئين کي ھٽائي، اسان جي گھرن ۾ بيٺل گندو پاڻي نيڪال ڪرائي، پمپ اسٽيشنز جي بجلي بحال ڪري پاڻي نيڪال ڪرايو وڃي نه ٻئي صورت ۾ ميئر ھائوس تي اچي احتجاج ڪنداسين