بنا روٽ پرمٽ ۽ شيڊول جي هلندڙ غيرقانوني گاڏين خلاف ڪارروائي ٿيندي، سيڪريٽري آر ٽي اي حيدرآباد جو اعلان,

حیدرآباد۔محبوب حسین بوزدار بیوروسندھ ٽنڊوالهيار
رپورٽ
بنا روٽ پرمٽ ۽ شيڊول جي هلندڙ غيرقانوني گاڏين خلاف ڪارروائي ٿيندي، سيڪريٽري آر ٽي اي حيدرآباد جو اعلان,
ريجنل ٽرانسپورٽ اٿارٽي (RTA) حيدرآباد جي سيڪريٽري وحيد پنھور ٽنڊوالهيار جو دورو ڪيو، جتي مختلف روٽن تي گاڏين جا ڪاغذ ۽ روٽ پرمٽ چيڪ ڪيا ۽ ٽرانسپورٽرن جا مسئلا ٻڌا. ٽنڊوالهيار, ميرواهه وایہ، چمبڙ هلندڙ ٽرانسپورٽرن شڪايت ڪئي ته بنا روٽ پرمٽ جي هلندڙ غيرقانوني ڪوچن سبب کين مالي نقصان ٿي رهيو آهي. جنهن تي سيڪريٽري آر ٽي اي يقين ڏياريو ته بنا روٽ پرمٽ ۽ مقرر شيڊول جي هلندڙ گاڏين خلاف قانوني ڪارروائي ڪئي ويندي. هن ٻڌايو ته سنڌ حڪومت پاران روٽ پرمٽ جاري ڪرڻ لاءِ آن لائين نظام متعارف ڪرايو ويو آهي. ٽرانسپورٽر پنهنجي گاڏين جا اصل روٽ پرمٽ، اسمارٽ ڪارڊ يا بڪ، سان گڏ سڃاڻپ ڪارڊ ۽ فٽنيس سرٽيفڪيٽ جون ڪاپيون جمع ڪرائي آن لائين روٽ پرمٽ حاصل ڪن. ٽنڊوالهيار، ٽنڊو غلام علي، چمبڙ ۽ ميرواهه جي ٽرانسپورٽرن شهر اندر گاڏيون بيهارڻ لاءِ اڏو نه هجڻ جو مسئلو پڻ اٿاريو، جنهن تي سيڪريٽري آر ٽي اي چيو ته ڊپٽي ڪمشنر ٽنڊوالهيار سان گڏجاڻي ڪري مسئلي جي حل لاءِ گڏيل حڪمت عملي جوڙي ويندي.