مٽياري: 77 ايڪڙ زمين تي مبينا غيرقانوني کاتي جي تبديلي، تحفظ جو مطالبو

سٽي پريس ڪلب مٽياري تي پليجاڻي واسي سيد ارشاد شاھ بخاري پنهنجي معصوم ٻارڙن سان گڏ پريس ڪانفرنس ڪندي الزام هنيو ته اسان جي پڦي جي پٽن سيد الطاف شاھ ۽ گلزار شاھ واري ڌر نصرپور لڳ ديهه ڪيٽي ۾ اسان جي چاچي مرحوم سيد انور شاہ جي 77 ايڪڙ زمين جو کاتو غير قانوني طريقي سان تبديل ڪرائي ڇڏيو آهي درگاهه سيد مهر علي شاھ بخاري جو گادي نشين سيد انور علي شاهه اسان جو سڳو چاچو هو جنهن جا قانوني وارث پڻ اسين ئي آهيون پر اسان جا ويجها رشتيدار سندس زمين جو کاتو غير قانوني طريقي سان تبديل ڪرائي ان تي قبضو ڪرڻ چاهين ٿا هنن رمضان شريف جي مهيني ۾ منهنجي مٿان قاتلاڻو حملو ڪري منهنجي ڄاڙي ڀڃي دماغ ۾ ڌڪ هڻي مرڻنگ ڪري ڇڏيو هو هن الزام مڙهيو ته اسان جي مخالفن جي نالي سيد عطا الله شاهه بخاري ڪري رهيو آهي جنهن پنهنجو اثر رسوخ استعمال ڪري کاتا تبديل ڪرڻ ۾ ڪردار ادا ڪيو آهي ڪالھ اسان پنهنجي ڄاڻايل زمين تي انبن جي باغ جي ڇانگ ڪرائي رهيا هئاسين ته سيد عطا الله شاهه بخاري پنهنجي سوشل ميڊيا تي پوسٽ رکي ته نامعلوم ماڻهن سيد انور شاہ مرحوم جي زمين تان وڻن جي واڍي ڪئي آهي هو ان ڳالھ کي غلط رنگ ڏئي رهيو آهي اسين چئون ٿا ته اسان پنهنجي زمين تي ڪم ڪري رهيا هئاسين انور شاهه جا قانوني وارث اسان آهيون ان ڏس ۾ اڄ اسان مٽياري جي عدالت ۾ سول سوٽ پڻ داخل ڪرايو آهي هن چيو ته اسين وزير اعلي سنڌ، چيف سيڪريٽري سنڌ ۽ آء جي سنڌ پوليس کان مطالبو ٿا ڪريون ته اسان کي ڄاڻايل ڌر الطاف شاھ ۽ گلزار شاھ وارن کان تحفظ فراهم ڪيو ۽ انهن خلاف پڻ قانوني ڪارروائي ڪئي وڃي ٻي صورت م مونکي يا منهنجي ٻچن کي ڪو نقصان پهتو ته ان جا ذميوار ڄاڻايل جوابدار هوندا