بدين ڊ ر محفوظ شاه
بدين ڊپٽي ڪمشنر بدين زارا زاھد سول اسپتال بدين ۾ ٻارڙن کي پوليو کان بچاءُ جا ڦڙا پياري پوليو مهم جو افتتاح ڪري ڇڏيو آهي مهم جي افتتاح کانپوءِ پوليو بابت عوام ۾ جاڳرتا پيدا ڪرڻ لاءِ سول اسپتال بدين کان مين روڊ تائين آگاهي واڪ پڻ ڪيو ويو آگاهي واڪ کي خطاب ڪندي ڊپٽي ڪمشنر بدين زارا زاھد چيوته پوليو هڪ خطرناڪ بيماري آهي، جيڪا اسان جي ٻارڙن کي عمر ڀر جي معذوري ۾ مبتلا ڪري سگهي ٿي، تنهن ڪري والدين کي گهرجي ته هو پنهنجن ٻارن کي پوليو کان بچاءُ جا ڦڙا ضرور پيارين. هن وڌيڪ چيو ته پوليو جي خاتمي لاءِ هر شهري کي پنهنجو ڪردار ادا ڪرڻ گهرجي. صحت کاتي ۽ ضلعي انتظاميا گڏجي پوليو جي روڪٿام لاءِ پرعزم آهن، ۽ اسان کي يقين آهي ته جلد ئي اسان جو ملڪ پوليو کان پاڪ هوندو
بعد ۾ هن سول اسپتال اولڊ ڪيمپس جو دورو ڪيو جتي هن شهيد راڻي ڊائيلاسز سينٽر ۾ مريضن کان علاج بابت تفصيل معلوم ڪيا انچارج انڊس سول اسپتال اولڊ ڪيمپس عباس جمالي ڊائيلاسز سينٽر متعلق تفصيلي بريفنگ ڏيندي ٻڌايو ته سينٽر ۾ 90 گردن جا مريض رجسٽرڊ آهن 8 ڊائيلاسز مشينون آهن جڏهن ته روزانو تقريبا 30 کان وڌيڪ مريضن جو ڊائيلاسز ڪيو وڃي ٿو هن چيو ته 15 مريض ويٽنگ ۾ آهن ڊائيلاسز مشينون گهٽ هجڻ جي ڪري انهن جو ڊائيلاسز هتي نه پيو ٿئي ڪوشش آهي ته جلد نيون مشينون آڻي بدين جي مريضن کي پنهنجي شهر ۾ ڊائيلاسز جون سهولتون ڏئي سگهون ان موقعي تي ايس ايس پي بدين قمر رضا جسڪاڻي، ڊسٽرڪٽ ھيلٿ آفيسر ڊاڪٽر ممتاز علي چانڊيو، اي ڊي ايڇ او ڊاڪٽر وسيم عباس خواجه، ايم ايس ڊاڪٽر ڪريم بخش گاڏاھي ،اي ايم ايس ڊاڪٽر امتياز ميمڻ، اسسٽنٽ ڪمشنر بدين راجيش دلپت ۽ ٻيا لاڳاپيل آفيسر پڻ موجود هئا
