عباسي شهيد اسپتال جو 150 بسترن تي ٻڌل نئون بلاڪ ايندڙ هفتي فعال ڪيو ويندو، ڪراچي جو ميئر مرتضيٰ وهاب

ڪراچي (رپورٽ ذوالفقار علي)ڪراچي جي ميئر بئريسٽر مرتضيٰ وهاب عباسي شهيد اسپتال جي نئين تعمير ٿيل بلاڪ جو تفصيلي دورو ڪيو ۽ لاڳاپيل عملدارن کان منصوبي جي تڪميل ۽ فراهم ٿيندڙ طبي سهولتن بابت بريفنگ حاصل ڪئي.ان موقعي تي ميئر ڪراچي بئريسٽر مرتضيٰ وهاب ٻڌايو ته سنڌ حڪومت جي سهڪار سان تعمير ٿيندڙ نئين بلاڪ جو تعميراتي ڪم مڪمل ٿي چڪو آهي ۽ ان کي ايندڙ هفتي فعال ڪيو ويندوهن چيو ته 150 بسترن تي ٻڌل هن نئين بلاڪ ۾ مريضن کي جديد طبي سهولتون فراهم ڪيون وينديون جڏهن ته مختلف بيمارين جي علاج لاءِ خصوصي ڪلينڪس پڻ قائم ڪيا ويندا، جتي لاڳاپيل شعبن جا ماهر ڊاڪٽر پنهنجون خدمتون سرانجام ڏيندا.ميئر ڪراچي وڌيڪ چيو ته اسپتال جي نئين بلاڪ ۾ دل جي بيمارين (ڪارڊيالاجي)ڦڦڙن جي بيمارين (پلمونولوجي)، دماغ ۽ اعصاب جي بيمارين (نيورولوجي)، چمڙي جي بيمارين (ڊرمٽالاجي) سميت ٻين شعبن جا ماهر ڊاڪٽر پڻ او پي ڊي ۾ مريضن جو معائنو ۽ علاج ڪنداهن چيو ته نئين بلاڪ جي فعال ٿيڻ سان ڪراچي جي شهرين کي بهتر ۽ جديد طبي سهولتون فراهم ڪرڻ ۾ مدد ملندي دوري دوران ميٽروپوليٽن ڪمشنر ابرار جعفر، عباسي شهيد اسپتال جا ميڊيڪل سپرنٽنڊنٽ ڊاڪٽر بابر خان ۽ ٻيا لاڳاپيل عملدار پڻ ميئر ڪراچي سان گڏ موجود هئا۔