بدين ۾ انسدادِ پوليو مهم جي شروعات جي موقعي تي ڊپٽي ڪمشنر بدين ، ايس ايس پي بدين سان گڏ بدين شهر، تلھار ۽ ٻين مختلف علائقن ۾ قائم پوليو ويڪسينيشن سينٽرن جا دورا ڪري مهم تحت جاري سرگرمين جو جائزو ورتو

بدين  (ڊ ر محفوظ شاه )بدين ۾ انسدادِ پوليو مهم جي شروعات جي موقعي تي ڊپٽي ڪمشنر بدين ڊاڪٽر زارا زاهد، ايس ايس پي بدين قمر رضا جسڪاڻي سان گڏ بدين شهر، تلھار ۽ ٻين مختلف علائقن ۾ قائم پوليو ويڪسينيشن سينٽرن جا دورا ڪري مهم تحت جاري سرگرمين جو جائزو ورتو.
دوري دوران ڊپٽي ڪمشنر ۽ ايس ايس پي بدين پير چوڪ، پيرُو اسٽيشن اسٽاپ ۽ تعلقه اسپتال تلھار سميت مختلف هنڌن تي قائم فڪسڊ ۽ ٽرانزٽ ويڪسينيشن پوائنٽن جو معائنو ڪيو. ان موقعي تي هنن پوليو ٽيمن جي موجودگي، ٻارن کي پوليو کان بچاءَ جا ڦڙا پيارڻ واري عمل ۽ مهم دوران فراهم ڪيل سيڪيورٽي انتظامن جو جائزو ورتو، جڏهن ته لاڳاپيل آفيسرن کان تفصيلي بريفنگ پڻ حاصل ڪئي.ان موقعي تي ڊپٽي ڪمشنر بدين ۽ ايس ايس پي بدين انسدادِ پوليو مهم جي اثرائتي نگراني، ويڪسينيشن جي عمل کي منظم نموني جاري رکڻ ۽ سيڪيورٽي انتظامن کي يقيني بڻائڻ تي زور ڏنو.
دوري دوران ڊسٽرڪٽ هيلٿ آفيسر بدين ڊاڪٽر ممتاز علي چانڊيو، اسسٽنٽ ڪمشنر تلھار جھامن داس، ايس ايڇ او ٿاڻو تلھار انسپيڪٽر مقبول احمد نوتڪاڻي، انچارج ڊي آءِ بي انسپيڪٽر محمد خان سومرو سميت ٻيا لاڳاپيل آفيسر پڻ موجود هئا.