دادو: (ڊسٽرڪٽ رپورٽر مختيار علي جتوئي) اليڪشن ڪميشن آف پاڪستان جي هدايتن تي ڊسٽرڪٽ اليڪشن ڪمشنر دادو محمد حنيف پاران ووٽرن ۾ آگاهي پيدا ڪرڻ واري مهم جي سلسلي ۾ اڄ دادو استاد بخاري گورنمينٽ ڊگري ڪاليج ۾ ووٽر آگاهي بابت هڪ جامع پروگرام منعقد ڪيو ويو.
پروگرام دوران شاگردن کي پنهنجي ووٽ جي اهميت ۽ افاديت، جمهوري عمل ۾ حصو وٺڻ جي آئيني حق ۽ جمهوريت کي مضبوط بڻائڻ ۾ باخبر ووٽرن جي ڪردار بابت آگاهي ڏني وئي. ان موقعي تي ذميواراڻي ووٽنگ، نوجوانن جي شموليت ۽ چونڊ عمل ۾ فعال ڪردار ادا ڪرڻ جي اهميت تي خاص زور ڏنو ويو.
شاگردن کي پولنگ جي حقيقي عمل بابت عملي ڄاڻ ۽ سمجهه فراهم ڪرڻ لاءِ هڪ فرضي پولنگ (Mock Poll) جو پڻ اهتمام ڪيو ويو.هن عملي سرگرميءَ ذريعي شاگردن کي ووٽنگ جي مختلف مرحلن کان آگاهه ڪيو ويو، جن ۾ ووٽرن جي سڃاڻپ ۽ تصديق، بيلٽ پيپر جاري ڪرڻ، بيلٽ پيپر تي نشان لڳائڻ ۽ بيلٽ باڪس ۾ ووٽ وجهڻ جا مرحلا شامل هئا.شاگردن وڏي جوش ۽ جذبي سان گڏوگڏ گهري دلچسپيءَ سان هن سرگرميءَ ۾ حصو ورتو، جنهن سبب پروگرام معلوماتي ۽ دلچسپ بڻجي ويو. هن عملي مظاهري ذريعي شاگردن کي پولنگ جي عمل جو تجربو حاصل ڪرڻ سان گڏ مستقبل جي ووٽرن جي حيثيت ۾ پنهنجي ڪردار ۽ ذميوارين کي بهتر نموني سمجهڻ جو موقعو پڻ مليو.اهو قدم اليڪشن ڪميشن آف پاڪستان جي ان عزم جي عڪاسي ڪري ٿو، جنهن جو مقصد چونڊن بابت عوامي آگاهي کي هٿي وٺرائڻ، نوجوان شهرين کي بااختيار بڻائڻ ۽ جمهوري عمل ۾ باخبر، ذميواراڻي ۽ فعال شرڪت جي ثقافت کي فروغ ڏيڻ آهي.
ڊسٽرڪٽ اليڪشن ڪمشنر دادو محمد حنيف پاران ووٽرن ۾ آگاهي پيدا ڪرڻ واري مهم جي سلسلي ۾ دادو استاد بخاري گورنمينٽ ڊگري ڪاليج ۾ ووٽر آگاهي بابت هڪ جامع پروگرام منعقد ڪيو ويو
What’s your Reaction?
+1
+1
+1
+1
+1
Leave a Comment
نئون ديرو: پراڻي تڪرار تان هٿياربندن جي فائرنگ، عدالت ۾ پيشي لاءِ ويندڙ 2 نوجوان قتل
نئون ديرو: (اڱارو: 15 سيپٽمبر 2026ع) ڳڙهي خدابخش ڀٽو ٿاڻي جي حد سم شاخ وٽ پراڻي تڪرار تان هٿياربندن فائرنگ…
سکر: ”منهنجو گهر، منهنجو آشيانو“ اسڪيم تحت مسز ماروي پٺاڻ جي درخواست منظور، پنهنجي گهر جو خواب پورو ٿيڻ طرف اهم اڳڀرائي
سکر (رپورٽ عادل خان): حڪومت پاڪستان جي ”منهنجو گهر، منهنجو…
