جي يوآء يوسي جھان خان جي عھديدارن جو اھم اجلاس يوسي جي امير حافظ رفيق احمد شر جي صدارت هيٺ جھان خان ۾ ٿي گذريو

شڪارپور(مومن علي مهر) جي يوآء يوسي جھان خان جي عھديدارن جو اھم اجلاس يوسي جي امير حافظ رفيق احمد شر جي صدارت هيٺ جھان خان ۾ ٿي گذريو، اجلاس کي خطاب ڪندي اڳواڻن چيو ته جي يو آء سربراھ مولانا فضل الرحمان ۽ سندس خاندان جي ذاتي زندگي، عزت، ۽ وقار کي نشانو بڻائڻ ۽ سندن گهر جي چوديواري جي تقدس کي پامال ڪرڻ واري ڪريل حرڪت جي سخت لفظن ۾ مذمت ڪيون ٿا، اسان واضح ڪرڻ چاڙھيون ٿا ته ڪنهن به شخص جي گهر جي چوديواري ،ذاتي زندگي، ۽ خاندان جي عزت جو احترام ڪرڻ ھر شھري ذميواري آهي، اختلاف راءِ پنهنجي جاءِ تي پر ڪنهن جي ذاتي زندگيءَ ۾ مداخلت ۽ گهر اندر بنا اجازت جھاتي پائڻ ڪنهن به صورت ۾ قبول نه ڪيو ويندو، ھنن وڌيڪ چيو ته ملڪ پاڪستان جي عوام جي آخري اميد مولانا فضل الرحمان ۾ آهي جيڪو عوام جو حقيقي ترجمان بڻجي ميدان تي يا ايوان ۾ آواز اٿاريندڙ آهي جيڪا ڳالهه ڪجه قوتن کان برداشت نه ٿي ٿئي، جنهن جي ڪري مولانا فضل الرحمان جي خلاف غلط پروپيگنڊا ڪئي ۽ ڪرائي ٿي وڃي، اجلاس ۾ حافظ رفيق احمد شر ،مولانا منور حسين نعماني ،مولانا خادم حسين مھر، قائم الدين ڀيو، محمد اسلم خان مھر، مفتي امداد ﷲ شر، حافظ محمد امين مھر، حافظ ديدار حسين مھر، مير محمد شر ،قاري عبدالواجد مھر ،غلام حسين مھر ،ھادي بخش ڀيو ،حافظ مبین احمد مھر ۽ ٻيا موجود هئا،