سپر مارکیٹ پولیس کی بڑی کارروائی، منشیات فروش گرفتار، 24 گرام آئس برآمد

کراچی سپر مارکیٹ پولیس نے منشیات فروشوں کے خلاف کارروائی کرتے ہوئے ایک مبینہ منشیات فروش کو گرفتار کرلیا۔ کارروائی اعلیٰ پولیس حکام کی ہدایات پر عملدرآمد کرتے ہوئے کی گئی۔پولیس کے مطابق گرفتار ملزم کی شناخت آصف عرف بڑا ولد عبدالرحمن کے نام سے ہوئی ہے۔ ملزم کو مشتبہ منشیات فروشی کے الزام میں گرفتار کیا گیا۔پولیس کا کہنا ہے کہ ملزم کے قبضے سے مجموعی طور پر 24 گرام آئس(میتھامفیٹامین) اور 200 روپے نقد برآمد ہوئے۔ برآمد ہونے والی منشیات کو پولیس نے اپنی تحویل میں لے کر قانونی کارروائی شروع کردی۔پولیس ریکارڈ کے مطابق گرفتار ملزم کا اس سے قبل کوئی کریمنل ریکارڈ موجود نہیں ہے۔پولیس کے مطابق ملزم کے خلاف FIR نمبر520/2026، دفعہ 9(2) کے تحت مقدمہ درج کرلیا گیا ہے۔ مقدمہ انچارج CIC لیاقت آباد ڈویژن کی جانب سے درج کرایا گیا۔یہ کارروائی DIGP ویسٹ زون، SSP ڈسٹرکٹ سینٹرل، SP لیاقت آباد اور SDPO گلبرگ کی ہدایات کے تحت کی گئی۔پولیس حکام کا کہنا ہے کہ منشیات کے خلاف کارروائیاں جاری رکھی جائیں گی اور علاقے میں منشیات کے کاروبار میں ملوث عناصر کے خلاف قانون کے مطابق کارروائی عمل میں لائی جائے گی۔SHO سپر مارکیٹ تھانہ شہباز خان نے پولیس پارٹی کے ہمراہ کارروائی کرتے ہوئے ملزم کو گرفتار کیا، جبکہ برآمد شدہ منشیات اور دیگر سامان کو مقدمے کا حصہ بنا دیا گیا ہےپولیس کے مطابق گرفتار ملزم سے مزید تفتیش جاری ہے تاکہ منشیات کی فراہمی اور دیگر ممکنہ ساتھیوں سے متعلق معلومات حاصل کی جاسکیں۔