ڪوئيٽه: (اربع: 15 آڪٽوبر 2025ع) ڪوئيٽه ۾ غيرقانوني طور تي رهندڙ افغان مهاجرن خلاف ڪيڪ ڊائون دوران 752 افغان شهري گرفتار ڪيا ويا آهن. ملڪ جي ٻين شهرن وانگر ڪوئيٽه ۾ به غيرقانوني افغان رهواسين خلاف آپريشن جاري آهي.
هزاره ٽائون ۾ ضلعي انتظاميه، پوليس ۽ ايف سي جي گڏيل ڪارروائي دوران 752 افغان شهري گرفتار ٿيا، ضلعي انتظاميه موجب، گرفتار ٿيل ماڻهن جو نادرا ۾ اندراج ڪيو پيو وڃي، جنهن کان پوءِ انهن کي چمن موڪليو ويندو، جتان باب دوستي ذريعي افغانستان واپس موڪليو ويندو.
ڊي سي ڪوئيٽه مهرالله باديني موجب، هن وقت تائين چمن جي رستي هڪ لک پنجيهه هزار کان وڌيڪ افغان باشندن کي واپس موڪليو ويو آهي، جڏهن ته بلوچستان حڪومت جي هدايت تي پوليس سان گڏ گڏيل ڪارروايون جاري رهنديون.
What’s your Reaction?
+1
+1
+1
+1
+1
