جرمني ۾ چوري جي هڪ انوکي واردات پيش آئي آهي، جتي چورن ديوار ۾ سوراخ ڪري بينڪ لوٽي ورتو۔
پرڏيهي ميڊيا موجب، هي چوري جرمني جي اولهندي شهر گيلزن ڪرشن (Gelsenkirchen) ۾ اسپارڪاس بينڪ جي هڪ برانچ ۾ پيش آئي۔
پوليس موجب، چورن ڪرسمس جي موڪلن جو فائدو وٺندي بينڪ جي ديوار ۾ سوراخ ڪيو ۽ لڳ ڀڳ 10 ملين يورو ۽ قيمتي سامان کڻي فرار ٿي ويا۔
پوليس جو چوڻ آهي ته چوري جي واقعي جو پتو تڏهن پيو جڏهن بينڪ ۾ لڳل فائر الارم وڳيو، جڏهن ته ايندڙ ڏينهن بينڪ جي گراهڪن کي به چوري جي خبر پئي، جنهن بعد درجنين مشتعل گراهڪ بينڪ جي سامهون گڏ ٿي نعرابازي ڪرڻ لڳا۔
پوليس وڌيڪ ٻڌايو ته عيني شاهدن اطلاع ڏني آهي ته هفتي جي رات ڪيترن ئي مردن کي ويجهي پارڪنگ گيراج جي ڏاڪڻين ۾ وڏا بيگ کڻي ويندي ڏٺو ويو۔
پوليس موجب، جوابدارن جي گرفتاري لاءِ قانوني ڪارروائي جاري آهي۔
What’s your Reaction?
+1
+1
+1
+1
+1
