پاڪستان سپر ليگ (پي ايس ايل) جي 11 هين ايڊيشن لاءِ پليئرز آڪشن متعارف ڪرائڻ جو فيصلو ڪيو ويو آهي.
ذرائع موجب، پي ايس ايل گورننگ ڪائونسل جي ورڪنگ ڪميٽي جي دير رات اجلاس ۾ اهم فيصلا ڪيا ويا.
ذرائع جو چوڻ آهي ته پي ايس ايل گورننگ ڪائونسل جي ورڪنگ ڪميٽي ۾ آڪشن ڊرافٽ ۽ ري ٽينشن جا معاملا بحث هيٺ آيا، ۽ پاڪستان سپر ليگ ۾ پليئرز آڪشن متعارف ڪرائڻ جو فيصلو ڪيو ويو.
ذرائع موجب، پي ايس ايل 11 لاءِ رانديگرن جي ري ٽينشن بابت به فيصلو ٿي چڪو آهي.
ذرائع موجب، پي ايس ايل چيمپيئن لاھور قلندرز پليئرز آڪشن جي حق ۾ ووٽ ڏنو. ان کان علاوه ڪوئيٽا گليڊيئيٽرز، اسلام آباد يونائيٽڊ، ڪراچي ڪنگز ۽ حيدرآباد پڻ آڪشن جي حق ۾ ووٽ ڏنو.
ذرائع جو چوڻ آهي ته پنج پراڻيون فرنچائزز چار ري ٽينشن تي متفق ٿي ويون، جن مان هڪ برانڊ ايمبيسڊر هوندو. هر ڪيٽيگري ۾ هڪ هڪ پليئر کي ري ٽينشن ڪيو ويندو، ۽ هڪ پليئر کي هيٺين ڪيٽيگري ۾ آڻي برانڊ ايمبيسڊر بڻايو وڃي سگهندو.
ذرائع موجب، نيون فرنچائزز باقي پليئرز پول مان ساڳئي طريقي سان رانديگرن جو انتخاب ڪنديون. باقي پليئرز پول جو آڪشن ٿيندو، ۽ فرنچائزز آڪشن ۾ رانديگر چونڊينديون.
ذرائع جو چوڻ آهي ته ٻه نيون فرنچائزز زيرو ري ٽينشن تي زور ڏنو.
ذرائع موجب، ورڪنگ ڪميٽي جي فيصلي جي حتمي منظوري چيئرمين پي سي بي محسن نقوي ڏيندو. ضرورت پوڻ تي گورننگ ڪائونسل جو اجلاس به سڏائي سگهجي ٿو.
ذرائع موجب، پي ايس ايل جي آڪشن ۽ ري ٽينشن جو فارمولو چيئرمين محسن نقوي ڏانهن موڪليو ويندو، ۽ ايندڙ هڪ کان ٻن ڏينهن ۾ ان جو باقاعده اعلان ٿيندو.
