پاڪستان سميت غزه بورڊ آف پيس ۾ شامل ٿيندڙ ٻين ملڪن جا نالا سامهون اچي ويا آهن.
عرب ميڊيا جي مطابق آمريڪي صدر ٽرمپ جي طرفان ٺهيل غزه بورڊ آف پيس ۾ هاڻي تائين پاڪستان سميت 19 ملڪ شامل ٿي چڪا آهن.
رپورٽ موجب هاڻي تائين پاڪستان، قطر، سعودي عرب، ترڪي، انڊونيشيا، بحرين، مصر، اردن، قازقستان، ازبڪستان ۽ گڏيل عرب امارات (يو اي اي) بورڊ ۾ شامل ٿي چڪا آهن.
ان کان علاوه ارجنٽينا، آرمينيا، آزربائيجان، بيلاروس، هنگري، ڪوسوو، مراکش ۽ ويٽنام به غزه بورڊ آف پيس ۾ شامل ٿيڻ جو اعلان ڪيو آهي.
گذريل ڏينهن اها خبر به سامهون آئي هئي ته اسرائيلي وزيراعظم نٿن ياهو به آمريڪي صدر ٽرمپ جي طرفان غزه بورڊ آف پيس ۾ شامل ٿيڻ تي رضامندي ڏيئي چڪو آهي.
واضح رهي ته هن بورڊ جو مقصد غزه جي بحالي جي معاملن جي نگراني قرار ڏنو ويو آهي، پر ان جي چارٽر ۾ ان جي دائري کي صرف غزه تائين محدود نه ڪيو ويو آهي.
هڪ غير ملڪي خبر رساں ايجنسي جي رپورٽ موجب آمريڪا مختلف عالمي اڳواڻن کان مطالبو ڪري رهيو آهي ته اهي ٽرمپ جي سربراهي ۾ ٺهيل هن بورڊ جو حصو بڻجن، جنهن ۾ مستقل سيٽ لاءِ هڪ ارب ڊالر فيس مقرر ڪئي وئي آهي.
