فيلڊ مارشل عاصم منير سان ليبيا جي عرب مسلح فوجن جي ڪمانڊر ان چيف فيلڊ مارشل خليفه ابو القاسم حفتر ملاقات ڪئي آهي.
پاڪ فوج جي شعبه تعلقات عامه (آءِ ايس پي آر) مطابق، ليبيا جي عرب مسلح فوجن جو ڪمانڊر ان چيف فيلڊ مارشل خليفه ابو القاسم حفتر جنرل هيڊ ڪوارٽر (جي ايڇ ڪيو) راولپنڊي پهتو.
ڊپٽي ڪمانڊر ان چيف ليبيا جي عرب مسلح فوجن ليفٽيننٽ جنرل صدام خليفه حفتر پڻ ساڻ هئا.
فيلڊ مارشل سيد عاصم منير مهمانن جو استقبال ڪيو.
ليبيا جي مسلح فوجن جي ڪمانڊر ۽ ڊپٽي ڪمانڊر ان چيف فيلڊ مارشل عاصم منير سان ملاقات ڪئي، جنهن ۾ ٻئي طرفا دلچسپي جا معاملا، خاص طور تي لاڳاپيل علائقن جي سيڪيورٽي صورتحال تي خيالن جو ڏي وٺ ڪيو.
ملاقات ۾ پيشه ورانه تعاون تي پڻ ڳالهه ٻولهه ڪئي وئي، ۽ پاڪستان ۽ ليبيا جي مسلح فوجن جي وچ ۾ جاري رابطن ۽ تعاون جي اهميت تي زور ڏنو ويو.
آءِ ايس پي آر موجب، فيلڊ مارشل سيد عاصم منير ليبيا سان ٻطرفا تعلقات مضبوط ڪرڻ، ليبيا ۾ امن، استحڪام ۽ ادارتي ترقي لاءِ پاڪستان جي حمايت ٻيهر ورجايو.
آءِ ايس پي آر چيو ته ملاقات خوشگوار ۽ تعميري ماحول ۾ ٿي، جيڪا پراڻن دوستانه تعلقات جي عڪاسي آهي.
ان کان اڳ، نور خان ايئر بيس پهچڻ تي فيلڊ مارشل خليفه ابو القاسم حفتر جو استقبال ڪيو ويو، فيلڊ مارشل سيد عاصم منير ليبيا جي عرب مسلح فوجن جي ڪمانڊر ان چيف جو استقبال ڪيو، جڏهن ته معزز مهمان شهدائن کي خراج عقيدت پيش ڪيو ۽ جي ايڇ ڪيو ۾ يادگارِ شهداء تي گل رکيا.
