الصبح ٽنڊو يوسف پوليس جو منشيات فروشن سان مقابلو، 2 جوابدار زخمي حالت ۾ گرفتار
ٽنڊو يوسف پوليس جو الصبح منشيات فروشن سان مقابلو ٿيو.
پوليس مقابلو ٽنڊو يوسف نئين روڊ ڀرسان ان وقت پيش آيو، جڏهن پوليس معمولي گشت تي هئي ته کين جوابدارن جي موجودگي بابت اطلاع ملي، جنهن تي ڪارروائي ڪئي وئي.
پوليس جي پهچڻ تي جوابدارن ۽ پوليس وچ ۾ فائرنگ جو ڏي وٺ ٿيو.
ٻطرفي فائرنگ جي ڏي وٺ ۾ 2 جوابدار زخمي حالت ۾ گرفتار ڪيا ويا، جڏهن ته سندن ٻيا ساٿي فرار ٿيڻ ۾ ڪامياب ٿي ويا.
گرفتار جوابدارن جي سڃاڻپ ثاقب عرف لاڏلو ۽ عادل عرف پڪوڙا طور ٿي آهي.
زخمي جوابدارن کي فوري طبي امداد لاءِ اسپتال منتقل ڪيو ويو.
گرفتار جوابدارن جي قبضي مان 2 عدد پسٽل ۽ چرس برآمد ڪئي وئي.
ٽنڊو يوسف پوليس گرفتار جوابدارن خلاف غيرقانوني هٿيار، منشيات ۽ پوليس مقابلي جا 4 مختلف ڪيس داخل ڪري ڇڏيا آهن.
گرفتار جوابدارن بابت وڌيڪ ڄاڻ ۽ ڪرمنل ريڪارڊ حاصل ڪيو پيو وڃي.
وڌيڪ جاچ جاري آهي.
