ڀرياسٽي ۾ نينگري جي مبينا اغوا خلاف لاکا برادري جو احتجاج، پوليس اين سي داخل ڪري جاچ شروع ڪئي

رياسٽي لاکاروڊ جي ڳوٺ بگو دڙو ۾ لاکا برادري جي جي پورھيت ڳوٺاڻن جي نينگري کي مبينا اغوا ڪرڻ خلاف احتجاج ڪيو ويو ۔ احتجاج ڪندڙن لاکا برادري جي ماڻهن جو چانڊيا برادري جي ماڻهن تي مبينا نينگري کي اغوا جو الزام ۔ ان سلسلي ۾ متاثر نينگري سميران لاکو ٻڌايو ته ڪلھ شام ڌاري مان پنهنجي ٻني تي گاھ ڪري رھي ھيس ته چانڊيا برادري جي ٽن ماڻهن علي رضا چانڊيو ، راشد علي چانڊيو ۽ غلامو چانڊيو مونکي زبردستي اغوا ڪري کڻي ويا ۔ جن مونکي نامعلوم جاء تي ڪمري ۾ بند ڪري واڙي ڇڏيو ۔ رات دير سان مونکي کي موٽر سائيڪل تي کڻي اسپتال ڀرسان ٻاھران ڇڏي فرار ٿي ويا ۔ ٻئي پاسي نينگري جي پي محمد شريف لاکو ٻڌايو ته سندس نينگري کي ڪالھ شام چانڊيا برادري جي ٽن ماڻهن پاران اغوا ڪري ويا ۔ اھڙي واقعي جو اطلاع لاکاروڊ ٿاڻي تي ڏيڻ وياسين پر پوليس اسان جي ڪابه مدد نٿي ڪري ۔ اسان مسڪين غريب آھيون ـ ھنن چيو ته جيڪڏهن منهنجي نينگري سان انصاف نه ڪيو ويو ته مجبور ٿي اسان پاڻ کي باھ ڏئي ساڙي ڇڏينداسين ۔ ٻئي پاسي رابطو ڪرڻ تي پوليس جو چوڻ آھي ته نينگري جي پي فرياد تي اين سي داخل ڪئي آھي ۔نينگري جي ميڊيڪل چيڪ اپ لاء ليٽر پڻ ڏنو ويو آهي ميڊيڪل رپورٽ اچڻ بعد وڌيڪ ڪاروائي ڪئي ويندي ۔