اسلام آباد: وزیراعظم شہباز شریف شہید ایرانی سپریم لیڈر آیت اللہ علی خامنہ ای کی نماز جنازہ میں شرکت کے لیے رواں ہفتے ایران کا دورہ کریں گے۔
ذرائع کے مطابق وزیراعظم جولائی کے پہلے ہفتے میں ایران پہنچیں گے، جہاں وہ آیت اللہ علی خامنہ ای کی نماز جنازہ میں شرکت کریں گے۔ دورۂ ایران مکمل کرنے کے بعد وزیراعظم ترکیہ بھی جائیں گے۔
دوسری جانب مجلسِ شوریٰ اسلامی ایران کے اسپیکر محمد باقر قالیباف نے اسپیکر قومی اسمبلی سردار ایاز صادق کو خط لکھ کر آیت اللہ علی خامنہ ای کی تعزیتی تقریب میں شرکت کی دعوت دی ہے۔
ایرانی اسپیکر نے اپنے پیغام میں پاکستانی عوام، اسپیکر قومی اسمبلی اور ارکانِ پارلیمنٹ کے لیے نیک خواہشات کا اظہار کرتے ہوئے پاکستان اور ایران کے درمیان برادرانہ تعلقات، باہمی احترام اور تعاون کو مزید مضبوط بنانے کی خواہش کا بھی اظہار کیا۔
واضح رہے کہ آیت اللہ علی خامنہ ای کی تعزیتی تقریب 3 جولائی 2026 کو تہران میں منعقد ہوگی۔
