اسلام آباد: وفاقي وزير پارلياماني معاملن ڊاڪٽر طارق فضل چوڌري چيو آهي ته حڪومت ڪنهن به پابندي مڙهيل تنظيم سان مذاڪرات نٿي ڪري سگهي، جڏهن ته ثالثي لاءِ جمعيت علماءِ اسلام (ف) جي سربراهه مولانا فضل الرحمان سان ايڪشن ڪميٽي رابطو ڪيو آهي.
جيو نيوز سان ڳالهائيندي ڊاڪٽر طارق فضل چوڌري چيو ته مهاجرن لاءِ مخصوص 12 سيٽون فوري طور ختم نٿيون ڪري سگهجن، ڇو ته انهن جي خاتمي لاءِ آئيني ترميم ضروري آهي.
هن چيو ته وزيراعظم هميشه ڳالهين ذريعي مسئلن جو حل ڪڍڻ جي ڪوشش ڪئي آهي ۽ حڪومت جو به اهو ئي موقف آهي ته هر مسئلي جو بهترين حل مذاڪرات ذريعي ئي ممڪن آهي.
وفاقي وزير وڌيڪ واضح ڪيو ته حڪومت ڪنهن به پابندي مڙهيل تنظيم سان سڌيون ڳالهيون نٿي ڪري سگهي، جڏهن ته ثالثي جي حوالي سان مولانا فضل الرحمان سان رابطو حڪومت نه، پر ايڪشن ڪميٽي طرفان ڪيو ويو آهي.
What’s your Reaction?
+1
+1
+1
+1
+1
