حيدرآباد: پوليس هيڊڪوارٽر حيدرآباد ۾ ايس ايس پي حيدرآباد شاهزيب چاچڙ جي صدارت هيٺ منظم ڏوهن، قتل جي ڪيسن ۽ التوا هيٺ ڪيسن بابت اهم اجلاس ٿيو، جنهن ۾ ضلعي جي سمورن ايس ايڇ اوز، سي پي انچارجز، آر آر ايف ۽ ٻين برانچ انچارجز شرڪت ڪئي.
اجلاس دوران ايس ايس پي شاهزيب چاچڙ سمورن آفيسرن کان منشيات سميت منظم ڏوهن جي خاتمي ۽ التوا هيٺ ڪيسن بابت بريفنگ ورتي ۽ جاچ ۾ اڳڀرائي جو جائزو ورتو.
هن هدايت ڪئي ته منشيات ۽ منظم ڏوهن خلاف وڌيڪ اثرائتيون ڪارروايون ڪيون وڃن ۽ التوا هيٺ ڪيسن جي جاچ ۾ موجود خاميون ختم ڪري پيشه ورانه انداز اختيار ڪيو وڃي، ته جيئن جوابدارن کي قانون موجب سزا ڏياري سگهجي.
ايس ايس پي سمورن ايس ايڇ اوز کي هدايت ڪئي ته امن امان برقرار رکڻ لاءِ ڏوهارين خلاف بنا فرق ڪارروائين کي وڌيڪ تيز ڪيو وڃي. اجلاس جي پڄاڻي تي بهتر ڪارڪردگي ۽ فرضن ۾ ايمانداري جو مظاهرو ڪندڙ ايس ايڇ اوز ۽ آفيسرن ۾ تعريفي سرٽيفڪيٽ پڻ ورهايا ويا.
