حيدرآباد: ڊي آءِ جي حيدرآباد رينج طارق رزاق خان ڌاريجو ۽ ايس ايس پي حيدرآباد شاهزيب چاچڙ جي هدايتن تي مارڪيٽ پوليس پاران منشيات فروشن ۽ ٻين سماجي براين ۾ ملوث جوابدارن خلاف ڪاررواين جو سلسلو جاري آهي.
ڊي ايس پي محمد رئيس خانزاده جي نگراني هيٺ ايس ايڇ او مارڪيٽ انسپيڪٽر نيڪ محمد کوسو پنهنجي ٽيم سان گڏ مختلف هنڌن تي ڪارروايون ڪندي ڳجهي اطلاعن تي 4 جوابدارن کي گرفتار ڪري ورتو.
پوليس موجب پهرين ڪارروائي دوران منشيات فروش گل شير علي کي گرفتار ڪري سندس قبضي مان 560 گرام چرس هٿ ڪئي وئي.
ٻي ڪارروائي ۾ گٽڪا فروش حسنين آرائين کي گرفتار ڪري سندس قبضي مان 100 گٽڪا ساشا هٿ ڪيا ويا.
ٽئين ڪارروائي دوران بدنام زمانا منشيات سپلائر ايوب خان رند بلوچ کي گرفتار ڪري سندس قبضي مان 2 ڪلو 20 گرام چرس هٿ ڪئي وئي.
چوٿين ڪارروائي ۾ بدنام زمانا منشيات ڊيلر رانا ناصر راجپوت کي گرفتار ڪري سندس قبضي مان 5 ڪلو چرس هٿ ڪئي وئي.
پوليس موجب گرفتار منشيات ڊيلر رانا ناصر راجپوت ٿاڻي مارڪيٽ جي ڪرائيم نمبر 254/2026، قلم 324، 353 ۽ 34 تعزيراتِ پاڪستان واري ڪيس ۾ پڻ گهربل هو.
مارڪيٽ پوليس گرفتار جوابدارن خلاف الڳ الڳ ڪيس داخل ڪري قانوني ڪارروائي شروع ڪري ڇڏي آهي.
گل شير علي خلاف ڪرائيم نمبر 271/2026، قلم 9(1)3(B) CNS Act تحت، حسنين آرائين خلاف ڪرائيم نمبر 272/2026، قلم 8 گٽڪا ۽ مين پوري ايڪٽ تحت، ايوب خان رند بلوچ خلاف ڪرائيم نمبر 273/2026، قلم 9(1)3(C) CNS Act تحت، جڏهن ته رانا ناصر راجپوت خلاف ڪرائيم نمبر 274/2026، قلم 9(1)3(C) CNS Act تحت ڪيس داخل ڪيا ويا آهن.
مارڪيٽ پوليس پاران منشيات فروشن ۽ ٻين ڏوهاري عنصرن خلاف وڌيڪ ڪاررواين جو سلسلو جاري رکڻ جو چيو ويو آهي.
