خيبرپختونخواهه جو وڏو وزير محمد سهيل آفريدي 5 ڏينهن جي سنڌ جي دوري تي رحيم يار خان جي لاءِ روانو ٿي ويو.
ذريعن موجب هو 27 سيپٽمبر جي اسٽريٽ موومينٽ جي لاءِ سنڌ ۾ ڀرپور سياسي، عوامي رابطه مهم ڪندو. وڏو وزير سهيل آفريدي لانگ مارچ جي تيارين جي سلسلي ۾ سياسي ۽ مقامي قيادت سان اهم ملاقاتون ڪندو ۽ اسٽريٽ موومينٽ جي قيادت ڪندو. انهي جو 3 کان 7 سيپٽمبر تائين سنڌ جو دورو سياسي صنف بندي تيز ڪرڻ جو اهم مرحلو آهي.
هوڏانهن خيبرپختونخواهه جي اطلاعات واري وزير شفيع جان سنڌ ۾ اسٽريٽ موومينٽ بابت بيان ۾ چيو ته وزيراعليٰ سهيل آفريدي ۽ پارٽي جي مرڪزي ۽ صوبائي قيادت اسٽريٽ موومينٽ جي لاءِ سنڌ پهچي رهي آهي.
شفيع جان موجب وڏو وزير سهيل آفريدي ضلع گهوٽڪي جي ڪمون شهيد کان اسٽريٽ موومينٽ جي شروعات ڪندو. جتي هو ڪمون شهيد ۾ ڪارڪنن کي خطاب به ڪندو. هن چيو ته پارٽي قيادت ضلع ڪشمور جي شهر ڪنڌڪوٽ پهچندي. جتي ڪارڪنن جي وڏي اجتماع کي خطاب ڪيو ويندو. پارٽي قيادت جيڪب آباد ۾ به عوامي رابطه مهم هلائيندي.
شفيع جان چيو ته سنڌ ۾ اسٽريٽ موومينٽ عوامي جدوجهد کي فيصله ڪن مرحلي ۾ داخل ڪندي. عمران خان سان ٿيل سياسي انتقام عوام جي سامهون بي نقاب ٿي چڪو آهي.
