پريالوءِ(رپورٽ عمران علي اوڍو) پريالوءِ شهر ۾ گذريل رات هٿياربندن جي فائرنگ ۾ قتل ٿيل 30 ورهين جي نوجوان راجا اوڍو جي جنازي نماز سندس اباڻي ڳوٺ پنيڃل خان اوڍو ۾ ادا ڪئي وئي، جنهن ۾ سياسي، سماجي اڳواڻن، علائقي واسين ۽ مختلف برادرين سان تعلق رکندڙ سوين ماڻهن شرڪت ڪئي. جنازي نماز دوران ماحول انتهائي سوڳوار رهيو، جڏهن ته مقتول نوجوان جي وارثن کي ڏسي هر اک آلي ٿي وئي. شرڪت ڪندڙن مقتول جي وارثن سان تعزيت ڪندي ڏک ۽ افسوس جو اظهار ڪيو. ياد رهي ته گذريل رات پريالوءِ شهر جي مٺائي چوڪ وٽ ٻن نامعلوم هٿياربندن فائرنگ ڪري نوجوان راجا اوڍو کي قتل ڪري ڇڏيو هو، جنهن کانپوءِ هٿياربند فرار ٿي ويا هئا. واقعي کي وقت گذرڻ باوجود هن وقت تائين پوليس طرفان ڪابه گرفتاري عمل ۾ نه اچي سگهي آهي، جنهن سبب مقتول نوجوان جا وارث ۽ علائقي واسي سخت ڳڻتي ۾ مبتلا آهن. وارثن پوليس جي اعليٰ اختيارين کان مطالبو ڪيو آهي ته واقعي ۾ ملوث جوابدارن کي فوري طور گرفتار ڪري قانون جي ڪٽهڙي ۾ آندو وڃي ۽ مقتول کي انصاف فراهم ڪيو وڃي.
پريالوءِ ۾ هٿياربندن هٿان قتل ٿيل نوجوان راجا اوڍو جي جنازي نماز، سوين ماڻهن جي شرڪت، جوابدار آزاد
Leave a Comment
سکر: پنوعاقل ۾ جوابدارن پاران گهر تي حملو، عورتن ۽ ٻارن مٿان تشدد جو الزام، متاثرين جو پريس ڪلب اڳيان احتجاج
سکر (بيورو رپورٽ): پنوعاقل جي علائقي سان تعلق رکيندڙ بروھي برادري جي مردن ۽ عورتن بااثر جوابدارن پاران زيادتين، تشدد،…
گورنمينٽ گرلز هاءِ اسڪول ڪيمپس ڀيلار ۾ جشنِ عيد ميلاد النبي صلي الله عليه وسلم جي شاندار تقريب
سکر ( )گورنمينٽ گرلز هاءِ اسڪول ڪيمپس ڀيلار ۾ جشنِ…
