گهوٽڪي ڀرسان ڪچي واري علائقي ۾ نوجوان ناري ڪهاڙين جا وار ڪري قتل، جوابدار فرار ٿي وڃڻ ۾ ڪامياب ٿي ويو.
گهوٽڪي بي سيڪشن ٿاڻي جي حد محمدپور جي ڪچي واري علائقي ۾ مبينا طور جوابدار وقار احمد ولد عبدالجبار سولنگي 22 ورهين جي نوجوان ناري حفيظان ڌيءَ عبدالستار سولنگي کي ڪهاڙين جا وار ڪري قتل ڪري ڇڏيو.
واقعي کانپوءِ مقتولا جو لاش تعلقه اسپتال منتقل ڪيو ويو، جتي ضروري قانوني ڪارروائي مڪمل ڪرڻ بعد لاش وارثن حوالي ڪيو ويو. ٻئي پاسي واقعي کانپوءِ مبينا جوابدار وقار احمد فرار ٿي ويو. پوليس واقعي جي وڌيڪ جاچ شروع ڪري ڇڏي آهي، جڏهن ته جوابدار جي گرفتاري لاءِ ڪوششون جاري آهن.
What’s your Reaction?
+1
+1
+1
+1
+1
