ٽه ملڪي سيريز: عرفات منهاس جو آل رائونڊ شو، پاڪستان انگلينڊ کي 87 رنسن تان هارائي ڇڏيو

راولپنڊي (ويب ڊيسڪ) ٽه ملڪي ون ڊي سيريز جي ٻي ميچ ۾ عرفات منهاس جي شاندار آل رائونڊ ڪارڪردگيءَ جي مدد سان پاڪستان انگلينڊ کي 87 رنسن تان شڪست ڏئي ڇڏي.
پاڪستان پهرين بيٽنگ ڪندي 302 رنسون ٺاهيون، جڏهن ته انگلش ٽيم 215 رنسن تي آئوٽ ٿي وئي.
راولپنڊي ۾ کيڏيل ميچ ۾ انگلينڊ ٽاس کٽي پهرين بالنگ جو فيصلو ڪيو.
پاڪستان جي شروعات خراب رهي ۽ فخر زمان گس اٽڪنسن جي پهرئين ئي بال تي روٽ هٿان ڪيچ آئوٽ ٿيو، جڏهن ته صائم ايوب 8 رنسون ٺاهي آئوٽ ٿي ويو.
اڳوڻي ڪپتان ۽ اسٽار بيٽر بابر اعظم کي 34 رنسن تي وِل جيڪ بولڊ ڪري پويلين ڀيڙو ڪيو..
جنهن کانپوءِ حسن نواز ۽ عرفات منهاس ذميواراڻي بيٽنگ ڪندي ٽيم کي سنڀاليو.
حسن نواز 74 بالن تي 79 رنسون ۽ عرفات منهاس 58 بالن تي 59 رنسون ٺاهيون، جڏهن ته فهيم اشرف 39، سعد بيگ 35 ۽ سلمان علي آغا 16 رنسون ٺاهي نمايان رهيا.
انگلينڊ طرفان سوني بيڪر 3 ۽ گس اٽڪنسن 2 وڪيٽون حاصل ڪيون.
پاڪستان جي303 رنسن جي هدف پٺيان ڊوڙندي انگلش ٽيم 39هين اوور ۾ 215 رنسن تي ڍير ٿي وئي.
ٽام بينٽن 57، بين ڊڪٽ 45 ۽ جو روٽ 33 رنسون ٺاهيون.
پاڪستاني جي عرفات منهاس شاندار اننگز کانپوءِ تباهه ڪيريئر بيسٽ بالنگ ڪندي 40 رنسون ڏئي 6 وڪيٽون ورتيون.
ياد رهي ته پاڪستان سيريز جي پهرين ميچ ۾ سريلنڪا کي 37 رنسن تان شڪست ڏئي ٽه ملڪي سيريز جي شروعات فتح سان ڪئي هئي.