جيڪب آباد ( عامرجان) جمعيت علماءِ اسلام سنڌ جي قائد علامه راشد محمود سومرو چيو آهي ته مختلف علائقن ۾ مدرسن ۽ مسجدين جي عملي کي هراسان ڪرڻ جون ڪوششون ڪيون پيون وڃن، جن کي ڪنهن به صورت ۾ برداشت نه ڪيو ويندو. مدرسن ۽ مسجدين کي لاوارث نه سمجهيو وڃي، جيڪڏهن انهن خلاف غيرقانوني قدم کنيا ويا ته لکين عوام ۽ مدرسن سان لاڳاپيل ماڻهو ميدان ۾ نڪري ايندا. جي يو آءِ سنڌ جي پريس سيڪريٽري ڊاڪٽر اي جي انصاري پاران ميڊيا ڏانهن جاري ڪيل بيان موجب علامه راشد محمود سومرو چيو ته مدرسا ديني ۽ دنيوي تعليم، اسلامي قدرن ۽ اخلاقي تربيت جا مرڪز آهن، تنهنڪري انهن خلاف منفي پروپيگنڊا بند ڪئي وڃي. هن چيو ته مدرسن جا معاملا 26هين آئيني ترميم ۾ طئي ٿي چڪا آهن، تنهنڪري غيرضروري تڪرار پيدا ڪرڻ کان پاسو ڪيو وڃي. هن حڪومت ۽ لاڳاپيل ادارن کي چيو ته مدرسن جي منتظمين، استادن ۽ عملي کي هراسان ڪرڻ کان پاسو ڪيو وڃي. هن واضح ڪيو ته جيڪڏهن مدرسن ۽ عوام خلاف غيرقانوني قدم کنيا ويا ته جي يو آءِ آئيني ۽ پارلياماني طريقي سان ڀرپور احتجاج ڪندي ۽ ديني مدرسن جي تحفظ ۽ عوام جي آئيني حقن لاءِ جدوجهد جاري رکندي.
مدرسن ء مسجدين خلاف ڪنهن به سازش کي برداشت نه ڪيو ويندو علامه راشد محمود سومرو
Leave a Comment
نئون ديرو: پراڻي تڪرار تان هٿياربندن جي فائرنگ، عدالت ۾ پيشي لاءِ ويندڙ 2 نوجوان قتل
نئون ديرو: (اڱارو: 15 سيپٽمبر 2026ع) ڳڙهي خدابخش ڀٽو ٿاڻي جي حد سم شاخ وٽ پراڻي تڪرار تان هٿياربندن فائرنگ…
لاڙڪاڻي ۾ پ ٽ الف ضلعي طرفان ڪراچي ۾ سنڌ جي پرائمري استادن پاران پنهنجي جائز مطالبن جي مڃتا لاءِ نڪتل پرامن ريلي
لاڙڪاڻو(بيورو رپورٽ) لاڙڪاڻي ۾ پ ٽ الف ضلعي طرفان ڪراچي…
