جيڪب آباد (رپورٹ عامر جان)
جيڪب آباد، ايس ايس پي جيڪب آباد ڪيپٽن (ر) فيضان علي جي سخت حڪمن تي ضلعي اندر ڏوهاري عنصرن جي روڪٿام ۽ امن امان جي صورتحال کي وڌيڪ بهتر بڻائڻ لاءِ اسنيپ چيڪنگ ۽ جنرل هولڊ اَپ جو سلسلو جاري آهي. پوليس آفيسرن ۽ جوانن پاران ضلعي جي مختلف داخلي ۽ خارجي رستن، اهم شاهراهن ۽ حساس هنڌن تي شڪي گاڏين، موٽر سائيڪلن ۽ ماڻهن جي چڪاس ڪئي پئي وڃي. پوليس موجب جنرل هولڊ اَپ ۽ اسنيپ چيڪنگ جو مقصد ڏوهاري عنصرن جي چرپر تي نظر رکڻ، غير قانوني هٿيارن ۽ منشيات جي روڪٿام ڪرڻ ۽ شهرين جي جان ۽ مال جي حفاظت کي يقيني بڻائڻ آهي. ايس ايس پي جيڪب آباد پوليس آفيسرن ۽ جوانن کي هدايت ڪئي آهي ته سيڪيورٽي جي انتظامن کي وڌيڪ اثرائتو بڻايو وڃي، شڪي سرگرمين تي گهري نظر رکي وڃي ۽ قانون موجب ڪارروائي ڪئي وڃي.
What’s your Reaction?
+1
+1
+1
+1
+1
