پاڪستان ڪرڪيٽ بورڊ پاران لاڙڪاڻي ۾ ضلع سطح تي منعقد ڪيل پي سي بي ٽيلنٽ ھنٽ اسڪولس ڪرڪيٽ ٽورنامينٽ

لاڙڪاڻو( رپورٽ عادل خان) پاڪستان ڪرڪيٽ بورڊ پاران لاڙڪاڻي ۾ ضلع سطح تي منعقد ڪيل پي سي بي ٽيلنٽ ھنٽ اسڪولس ڪرڪيٽ ٽورنامينٽ 27-2026 جي فائنل ميچ گلوبل سائنس اسڪول ۽ گورنمينٽ پائلٽ هائير سيڪنڊري اسڪول لاڙڪاڻي جي وچ ۾ پي سي بي گرائونڊ شيخ زيد ڪالوني لاڙڪاڻو ۾ کيڏي وئي. جنهن ۾ پائلٽ اسڪول جي ٽيم ٽاس کٽي پھريان بيٽنگ ڪندي 36 اوورن ۾ 141 رنسون ٺاهي ڍير ٿي وئي. ميچ ۾ فرحان علي 23 ۽ محمد مھدي 20 رنسون ٺاھي نمايان رھيا. گلوبل اسڪول جي ٽيم طرفان باقر چانڊيو4، حسيب، طاھر، عبدالرحيم ۽ طاھر ھڪ، ھڪ وڪيٽ ورتي. مليل ٽارگيٽ حاصل ڪرڻ لاءِ گلوبل سائنس اسڪول جي ٽيم بئٽنگ ڪندي 4 وڪيٽن جي نقصان تي 29.4 اوورن ۾ 142 رنسون ٺاھي ڪاميابي ماڻي ورتي. اھڙي طرح گلوبل سائنس اسڪول جي ٽيم 6 وڪيٽن تان ٽورنامينٽ کٽي ورتي. ميچ ۾ گلوبل پاران حسيب جلباڻي 31، حسان جمالي 26 ۽ علي رضا 22 رنسون ٺاهي پنهنجي ٽيم کي ڪاميابي ڏيارڻ ۾ اهم ڪردار ادا ڪيو. فائنل ميچ کان انعامن ورھائڻ جي تقريب ٿي جنهن ۾ خاص مھمان وليد خان عباسي، شفيق احمد عباسي، سميع الله تونيو، مھراڻ لاشاري، محمد علي بروهي، توصيف احمد آچو، پي سي بي جي نمائندي مظھر علي ديناري، اي ڊي ٽالپر، عبدالحميد بروھي، احمد نواز ٽڳڙ ۽ ٻين شرڪت ڪئي جن طرفان ٻنھي ٽيمن جي ڪپتانن کي ونرز ۽ رنرز ڪپ ڏنا ويا. ان کان علاوه مين آف دي ميچ ۽ ٽورنامينٽ جي بھترين بالر جو انعام باقر علي چانڊيو کي ڏنو ويو. ٽورنامينٽ جو بھترين بيٽر پائلٽ اسڪول جي فرمان علي کوسو ۽ بھترين وڪيٽ ڪيپر گلوبل اسڪول جي علي رضا کي قرار ڏنو ويو. ٽورنامينٽ ۾ امپائرنگ جا فرض قاضي شمس الدين، عبدالرحيم ابڙو، اطھر حسين بروھي ۽ مفيد سومرو سرانجام ڏنا. فائنل ميچ ۾ ڪمينٽريٽر جا فرض استاد گل دايو، ڊاڪٽر ڪي، بي بروھي ۽ ايڊووڪيٽ اطھر عباس تونيو نڀايا. ان موقعي تي ميزبان نورحسين ڪلھوڙو، الطاف احمد ڪلھوڙو پڻ موجود ھئا. واضع رهي ته ٽورنامينٽ ۾ 12 ٽيمن حصو ورتو جن ۾ سرڪاري اسڪولن جون 8 ۽ خانگي اسڪولن جون 4 ٽيمون شامل هيون.