ايپل جو نالو عام طور آئي فونز ۽ ايپل واچز سان ڳنڍيو ويندو آهي.
پر هاڻي اها ڪمپني هڪ بلڪل نئين ڊيوائس تيار ڪري رهي آهي.
رپورٽ موجب آئي فون ٺاهيندڙ ڪمپني آرٽيفيشل انٽيليجنس (اي آءِ) پن جي تياري تي ڪم ڪري رهي آهي.
هي ويئر ايبل ڊيوائس ايپل جي ايئر ٽيگ جهڙي هوندي ۽ ان ۾ ڪيمرا، اسپيڪر، مائڪروفون ۽ وائرليس چارجنگ جا فيچرز موجود هوندا.
رپورٽ ۾ ٻڌايو ويو آهي ته ايپل پنهنجي ڊجيٽل اسسٽنٽ سيري کي چيٽ جي پي ٽي جهڙي چيٽ بوٽ جي صورت ۾ ٻيهر ڊيزائن ڪندي.
رپورٽ موجب هي اي آءِ پن اڃا تياري جي شروعاتي مرحلن مان گذري رهي آهي ۽ ڪمپني طرفان ان کي منسوخ به ڪيو وڃي سگهي ٿو.
هي اي آءِ پن پتلي، چپٽي ۽ چورس ڊسڪ جهڙي هوندي.
ان ۾ 2 ڪيمرا هوندا ته جيئن فوٽو ۽ وڊيوز وغيره ٺاهي سگهجن، جڏهن ته 3 مائڪروفون به ان ۾ لڳل هوندا.
ان کان علاوه هڪ اسپيڪر ۽ هڪ بٽڻ به هوندو، ۽ ان کي ايپل واچ وانگر چارج ڪري سگهجي ٿو.
ايپل اهڙين رپورٽن تي عام طور تبصرو نٿي ڪري، تنهن ڪري اهو چوڻ مشڪل آهي ته هي ڊيوائس حقيقت ۾ ڪهڙي هوندي.
البتہ رپورٽ ۾ ٻڌايو ويو آهي ته اي آءِ پن کي جلد کان جلد 2027 ۾ متعارف ڪرايو وڃي سگهي ٿو.
ڪمپني کي اميد آهي ته ان جي تيار ڪيل ڊيوائس ماڻهن جي توجهه حاصل ڪرڻ ۾ ڪامياب ٿيندي.
