ڪراچي: چيف رپورٽر سنڌ “پاڪ سوچ” درشن لال سنڌ ايجوڪيشن فائونڊيشن جي منيجمينگ ڊائريڪٽر جناب گنھور علي لغاري سان سندس آفيس ۾ ملاقات ڪئي۔ ان موقعي تي هن سنڌ جي ثقافتي سڃاڻپ اجرڪ ۽ سنڌي ٽوپي بطور تحفو پيش ڪئي۔
ملاقات دوران باهمي دلچسپي وارن معاملن، خاص طور تعليم جي واڌاري ۽ سنڌ ۾ تعليمي بهتري بابت تفصيلي ڳالهيون ڪيون ويون۔ درشن لال سنڌ ايجوڪيشن فائونڊيشن طرفان جاري تعليمي قدمن کي ساراهيو ۽ چيو ته اهڙا ادارا صوبي ۾ تعليم جي واڌاري ۾ اهم ڪردار ادا ڪري رهيا آهن۔
گنھور علي لغاري اجرڪ ۽ سنڌي ٽوپي جي تحفي تي شڪريو ادا ڪندي چيو ته سنڌ جي ثقافت اسان سڀني جو فخر آهي ۽ ان جي واڌ ويجهه اسان سڀني جي ذميواري آهي۔ هن وڌيڪ چيو ته سنڌ ايجوڪيشن فائونڊيشن صوبي جي پٺتي پيل علائقن ۾ معياري تعليم فراهم ڪرڻ لاءِ ڀرپور قدم کڻي رهي آهي۔
آخر ۾ ٻنهي شخصيتن هن عزم جو اظهار ڪيو ته تعليم جي شعبي ۾ وڌيڪ بهتري ۽ سهڪار لاءِ گڏيل ڪوششون جاري رکيون وينديون۔
