تهران: (آچر: 29 مارچ 2026ع) ايراني پاسداران انقلاب دعويٰ ڪئي آهي ته تازن حملن ۾ 500 آمريڪي فوجي مارجي ويا آهن جڏهن ته ڏکڻ فارس ۾ هڪ آمريڪي جنگي جهاز ايف 16 کي به نشانو بنايو ويو آهي.
ايراني بيان موجب مذڪوره جهاز سعودي عرب جي هڪ ايئر بيس تائين پهچڻ کان اڳ ئي تباهه ٿي ويو پر انهي دعويٰ جي آزاد ذريعن طرفان تصديق نه ٿي سگهي آهي.
پاسداران انقلاب جو وڌيڪ چوڻ آهي ته انهن والاريل فلسطين سميت خطي ۾ آمريڪي ۽ اسرائيلي صنعتي مرڪز کي نشانو بنايو آهي. ايراني اختيارين موجب اهي حملا جاري ڇڪتاڻ جي حوالي سان ڪيا ويا آهن.
ٻئي طرف ختم الانبياءِ هيڊ ڪوارٽر دعويٰ ڪئي آهي ته اسرائيلي شهر حيفا ۾ هڪ اسٽريٽجڪ اليڪٽرانڪ وار فيئر سينٽر کي نشانو بنايو ويو جڏهن ته بن گوريون ايئرپورٽ جي ڀرسان تيل جي ذخيرن تي به حملو ڪيو ويو.
ايراني فوجي قيادت خبردار ڪيو آهي ته جيڪڏهن ايراني صنعتي ٺڪاڻن تي وڌيڪ حملا ڪيا ويا ته انهي جا نتيجا انتهائي سنگين ٿيندا. ماهرن موجب اهڙي طرح جا بيان خطي ۾ وڌندڙ ڇڪتاڻ ۽ امڪاني وڏي تڪرار جي نشاندهي ڪن ٿا.
