- سنڌ جي وڏي وزير مراد علي شاهه ڪڻڪ وڪرو ڪرڻ جي حد ختم ڪرڻ جو اهم فيصلو ڪيو آهي۔
- هي فيصلو ڪراچي ۾ ٿيل هڪ اعليٰ سطحي اجلاس دوران ڪيو ويو۔
- اجلاس ۾ ڪڻڪ خريداري مهم جي رفتار ۽ نظام جو جائزو ورتو ويو۔
- وڏي وزير هدايت ڏني ته خريداري مهم کي وڌيڪ تيز ڪيو وڃي۔
- آبادگارن کي ادائيگيون فوري طور تي يقيني بڻائڻ تي زور ڏنو ويو۔
- اڳ ۾ في ايڪڙ 5 بوري وڪرو ڪرڻ جي شرط لاڳو هئي، جيڪا هاڻي ختم ڪئي وئي آهي۔
- نئين فيصلي تحت ننڍا آبادگار هاڻي بغير ڪنهن پابندي جي ڪڻڪ وڪرو ڪري سگهن ٿا۔
- وڏي وزير چيو ته هن قدم سان هارين کي وڏو رليف ملندو۔
- خوراڪ واري وزير مخدوم محبوب الزمان اجلاس کي بريفنگ ڏني۔
- بريفنگ موجب ڪڻڪ خريداري مهم پهرين اپريل کان جاري آهي۔
- سنڌ حڪومت 10 لک ميٽرڪ ٽن ڪڻڪ خريد ڪرڻ جو هدف مقرر ڪيو آهي۔
- صوبي ۾ لڳ ڀڳ 19 لک 40 هزار ايڪڙ تي ڪڻڪ پوکي وئي آهي۔
- وڏي وزير چيو ته سرڪاري مرڪزن تي ڪڻڪ وڪرو ڪندڙ آبادگار مستقبل ۾ سبسڊي جا اهل هوندا۔
What’s your Reaction?
+1
+1
+1
+1
+1
