سانگهڙ: ڊپٽي ڪمشنر ساره جاويد پاران يومِ عاشورا تي عزاداري انتظامن جو جائزو

ڊپٽي ڪمشنر سانگهڙ ساره جاويد يومِ عاشور جي موقعي تي شهدادپور ۽ سانگهڙ جي مختلف امام بارگاهن جو دورو ڪيو ۽ عاشورا جي جلوسن ۾ شرڪت ڪري اتي انتظامن جو جائزو ورتو۔ هنن سيڪيورٽي ۽ عزاداري لاءِ مقرر ڪيل رستن جي صفائي سٿرائي جو پڻ جائزو ورتو۔
ڊپٽي ڪمشنر ساره جاويد لاڳاپيل عملدارن کي هدايت ڪئي ته عزادارن کي هر ممڪن سهولتون فراهم ڪيون وڃن ۽ امن امان برقرار رکڻ لاءِ اثرائتا قدم يقيني بڻايا وڃن۔ ان موقعي تي پوليس ۽ ضلعي انتظاميا جا آفيسر پڻ ساڻس گڏ موجود هئا۔
هنن جلوسن جي رستن، صفائي، پاڻي جي فراهمي، طبي امداد جي انتظامن ۽ ميڊيڪل ڪيمپ جو پڻ معائنو ڪيو۔ سول سرجن سول اسپتال سانگهڙ ڊاڪٽر آفتاب عالم سريوال کي هدايت ڪئي ته پنهنجو تربيت يافته عملو هاءِ الرٽ رکي ۽ دوائن جو وافر مقدار ۾ اسٽاڪ پڻ موجود هجي ته جيئن ڪنهن به هنگامي صورتحال کي فوري طور منهن ڏئي سگهجي۔
ان موقعي تي اسسٽنٽ ڪمشنر شهدادپور قمر الدين راهيپوٽو ۽ اسسٽنٽ ڪمشنر سانگهڙ شفيق احمد آريسر پڻ سندن ساڻ هئا۔
ڊپٽي ڪمشنر وڌيڪ چيو ته ضلعي انتظاميا عاشورہ محرم دوران عوام جي خدمت لاءِ مڪمل طور متحرڪ آهي.