ڀريا: استادن جو جائز مطالبن جي مڃتا لاءِ احتجاج، علامتي بک هڙتال

ڀرياسٽي ۾ استاد دوست پينل ( سٺيو ) پ ٽ الف تعلقا ڀريا پاران استادن جي جائز مطالبن جي مڃتا لاء پ ٽ الف تعلقا ڀريا صدر محمد قاسم جوڻيجو ، جنرل سيڪريٽري بخشل خان ڌوئنرو ، حاجي گلزار ميمڻ ، غلام قادر سولنگي ، ڊويزنل انفارميشن سيڪريٽري اعجاز علي ڀٽي ، عبدالحميد آرائين ، صابر حسين ڀٽي ، غلام مصطفي ڀٽي ۽ ٻين جي اڳواڻي ۾ استادن ھٿن ۾ بينرز ۽ پلي ڪارڊ کڻي گورنمنٽ ڪئمپس پرائمري اسڪول کان پريس ڪلب تائين پرامن احتجاجي ريلي ڪڍي سخت احتجاجي مظاھرو ڪندي ھڪ ڪلاڪ تائين علامتي بک ھڙتال ڪئي ۔ ان موقعي تي تي مظاھرين ميڊيا سان ڳالھائيندي چيو ته پرائمري استادن جو سروس اسٽيڪچر وزيراعلي سنڌ پاران منظور ڪيو ويو آھي ۔ جيڪو فنانس کاتي پاران روڪيو ويو آھي ۔ جنھن کي بحال ڪيو وڃي ۔ استادن جون بدليون ھيٺين سطع ضلعي تائين آنديون وڃن ۔ فريم ايپ ۾ ٽيڪنيڪل مسئلا ختم ڪيا وڃن ۔ انيشل اپائيٽمينٽ کان ريگيولر ڪيو وڃي ۽ اسڪول ٽائيمنگ تي نظر ثاني ڪرڻ جو مطالبو ڪندي وزيراعلي سنڌ ، صوبائي وزير تعليم سميت اعلي اختيارين کان گھر ڪئي ته پرائمري استادن جا جائز مطالبا فورن حل ڪيا وڃن ۔