شاديءَ جون 60 کان 70 آڇون مليون، پر ڪنهن ٻئي جو گهر برباد نه ڪنديس: اسرا عائشه

ڪراچي (ويب ڊيسڪ) ماڊل، ميزبان ۽ ريئلٽي شو ۾ رنر اَپ رهندڙ اسرا عائشه انڪشاف ڪيو آهي ته کيس هينئر تائين شاديءَ جون لڳ ڀڳ 60 کان 70 آڇون ملي چڪيون آهن، جن ۾ شادي شده مرد به شامل آهن.
پاڪستاني ماڊل تازو ئي يوٽيوب پروگرام ۾ ڳالهائيندي شاديءَ جي آڇن بابت دلچسپ تفصيل شيئر ڪيا.
اسرا عائشه موجب، سندس ڏاڏيءَ جي شديد خواهش هئي ته هوءَ شادي ڪري، پر ڏاڏي اها خواهش پوري ٿيندي ڏسڻ کان اڳ ئي لاڏاڻو ڪري وئي.
هن ٻڌايو ته سندس ڏاڏي چاهيندي هئي ته اسرا جي شادي سندس چاچي جي پٽ سان ٿئي ۽ ان مقصد لاءِ هوءَ ڪيترائي ڀيرا سندس گهر رشتو کڻي ايندي هئي.
اسرا ٻڌايو ته هوءَ پنهنجي ڏاڏيءَ کي چوندي هئي ته اوهان جڏهن چاهيو سندس گهر اچي سگهو ٿا، پر جيڪڏهن رڳو شاديءَ جو رشتو کڻي اچڻو آهي ته پوءِ ان موضوع تي ڳالهيون نه ٿينديون.
هن جو چوڻ هو ته جيڪڏهن نياڻيون پنهنجو ڪيريئر ٺاهڻ چاهين ٿيون ته والدين کي کين ان جي اجازت ڏيڻ گهرجي.
اسرا عائشه ٻڌايو ته کيس دوستن طرفان به شاديءَ جون ڪيتريون ئي آڇون مليون.
سندس دعويٰ موجب، هڪ سياستدان دولت جو لالچ ڏئي کيس شاديءَ لاءِ راضي ڪرڻ جي ڪوشش ڪئي.
ماڊل موجب، ان سياستدان کيس ڪريڊٽ ڪارڊ، گاڏيون، ٻارڻ، سفر ۽ ٻيون سهولتون فراهم ڪرڻ جي آڇ ڪئي، پر اهو شخص اڳ ئي شادي شده هو.
هن وڌيڪ ٻڌايو ته آمريڪا ۾ رهندڙ هڪ شادي شده شخص به کيس شاديءَ جي آڇ ڪئي هئي، ان شخص دعويٰ ڪئي هئي ته سندس زال کيس ٻي شادي ڪرڻ جي اجازت ڏئي ڇڏي آهي.
اسرا عائشه چيو ته هوءَ ڪنهن ٻئي جو گهر ۽ خوشيون برباد ڪرڻ نٿي چاهي، تنهنڪري ڪنهن شادي شده مرد سان شادي نٿي ڪري سگهي.
هن چيو ته هوءَ اهڙو جيون ساٿي چاهي ٿي، جيڪو عورتن جي عزت ڪري هوءَ پنهنجي زندگيءَ جي ساٿي کي ڪنهن ٻئي سان ورهائڻ نٿي چاهي.