بالي ووڊ جي مشهور جوڙي سيف علي خان ۽ ڪرينا ڪپور جي محبت جي ڪهاڻي ٻيهر خبرن ۾ اچي وئي.
ٻنهي تازو ئي مزاحيه فنڪار ڪپل شرما جي پروگرام ”دي گريٽ انڊين ڪپل شو“ ۾ شرڪت ڪئي، جتي ڪرينا پنهنجي شاديءَ بابت هڪ دلچسپ ڳالهه ٻڌائي.
ڪرينا ڪپور چيو ته سيف علي خان کيس شاديءَ جي آڇ پهريون ممبئي، پوءِ يونان ۽ ٽيون ڀيرو پيرس ۾ ڪئي. هن پهرين ٻن آڇن کي رد ڪري ڇڏيو، پر ٽئين ڀيري ها ڪئي.
ڪرينا جي ڳالهه تي سيف علي خان مزاحيه انداز ۾ چيو ته جيڪڏهن ڪرينا ممبئيءَ ۾ ئي ها ڪري ها ته سندس ڪافي پئسا بچي وڃن ها.
واضح رهي ته سيف علي خان ۽ ڪرينا ڪپور جي وچ ۾ 2007ع ۾ فلم ”ٽشن“ جي شوٽنگ دوران محبت ٿي. ڪيترائي سال هڪ ٻئي سان دوستيءَ جي رشتي ۾ رهڻ کان پوءِ ٻنهي آڪٽوبر 2012ع ۾ ممبئيءَ ۾ شادي ڪئي.
What’s your Reaction?
+1
+1
+1
+1
+1
