راڻيپور:گورنمينٽ گرلس هاءِ اسڪول عيسو لاکو ۾ انتظامي غفلت جو سنگين معاملو سامهون اچي ويو آهي،

جتي 9هين ۽ 10هين جماعت جي مارشيٽن ۾ ڪيترين شاگردياڻين جا نالا غلط لکيا ويا آهن، جڏهن ته
اسڪول جي اصل رڪارڊ ۾ انهن جا نالا بلڪل صحيح درج ٿيل آهن۔
راڻيپور. ساجد علي

والدين ۽ شاگردياڻين پاران شديد ڳڻتيءَ جو اظهار ڪيو ويو آهي، ڇاڪاڻ⁠ته مارشيٽ ۾ نالو غلط هئڻ سان:
امتحاني داخلائون متاثر ٿين ٿيون
نتيجا، سرٽيفڪيٽ ۽ بورڊ رڪارڊ غلط ٿي سگهي ٿو
ڪاليج داخلا، اسڪالرشپ ۽ تعليمي مستقبل خطري ۾ پئجي سگهي ٿو
والدين انهي صورتحال کي “نياڻين جي مستقبل سان سنگين کيڏ وارو عمل” قرار ڏنو آهي۔
غلطي جو سبب — انتظاميه ۽ ڊيٽا انٽري ۾ لاپرواهي
ذرائع موجب اسڪول انتظاميه کان چڪاس دوران ڪافي لاپرواهي ٿي، جنهن ڪري شاگردياڻين جا نالا اسپيلنگ سميت غلط درج ٿيا۔
استادن پاران موڪليل درست ڊيٽا باوجود مارشيٽ ٺاهيندڙن طرفان بي ڌياني سان غلطيون ٿيون، جنهن جو سڌو نقصان شاگردياڻين کي ٿي رهيو آهي۔
والدين جو مطالبو
والدين اسڪول جي هيڊ ماسترياڻي ۽ تعليم کاتي کان مطالبو ڪيو آهي ته:
فوري طور سڀني شاگردياڻين جا نالا درست ڪيا وڃن
ڊاٽو سيٽ بورڊ ڏانهن ٻيهر صحيح موڪليو وڃي
غلطي ڪندڙ عملي خلاف جاچ ۽ ڪارروائي ڪئي وڃي
اسڪول انتظاميه جو موقف
اسڪول انتظاميه پاران يقين ڏياريو ويو آهي ته جاچ جو عمل شروع ٿي ويو آهي ۽ تمام غلط لکيل نالن جي درستگي جلد مڪمل ڪئي ويندي، جيئن شاگردياڻين جو مستقبل متاثر نه ٿئي۔